® رشـيـد ๏̯͡๏

. . كم راح من عمري وانا ودي اتوب ولولا الهوى والنفس كان امس تايـب عشرين عام أمني النفـس بالتوب لين اكتشفت اني مع الوقـت شايب راحـت حياتـي بيـن طالـب ومـطلوب ولي خاطرن لو طبت ماهو بطايب واخاف من يـوم بـه الـمـوت مكتـوب لا حـولـوا بـي بـيـن عوج النصـايـب في منزل مظلم عن الناس محجـوب محجـوب حـتى عن نـسيم الهـبـايب وصار الكفن يا ناس يغنـي عن الثـوب وفارقـت ربـعي والأهـل والـقـرايـب ماعاد فيهـا جـاه وأمـوال وسلـوب ولا عاد فـيهـا حـب خـشـم وطلايـب خدعنـي التـسـويف وأغرتنـي دروب مـن يـامـن الدنيـا وغـدر النـوايـب يالله يــافـارج عـلـى كـل مـكـروب يـاواحـدٍ بـامـرك تـهـون المصـايب يـامـن تقلـب بيـن أصابيعـك قـلوب خلقتها مـن بـيـن صلـب وتـرايـب يـاغافـر لمـن جالـك وكـلـه ذنـوب عبـدٍ ضعيـف وجـاك تـايـب ونـايـب يـارب لـو قلبي صخـر عندك يـذوب يـامـن لهيبتـك الجـبــل خــر ذايب أتـوب ثـم اعـود واعـود واتـوب ماهـي عجيبة وانـت رب الـعـجـايـب من المهـد للحد ترى الوقت محسـوب مـا ضاع شـي وما بقـى شـي غـايب يـارب مالـي غـيـر رحمتـك مطلوب من لي سواك إن جيـت يار

. . قال من غنى وبيته على الواقع بناه من هجوسٍ توعظ السامعين ابياتها يا لبيب القلب خلك شديد الانتباه دورة الايام ماتنعرف دوراتها تمشي الدنيا باهلها على كل اتجاه وتستدير وتاخذ الناس في غفلاتها الليالي علمتني تجاريب الحياة دارسٍ في تجربتها وجبت اثباتها علمتني مبتدا العمر حتى منتهاه واخر الايام تلقى الخبر في ذاتها واخرالاخبار عودٍ تدانت به خطاه كمل التسعين فالعمر مدري فاتها لابغى يمشي ليا ثالث اقدامه عصاه والخطاوي تمنع النفس عن هقواتها يتعبه من باب بيته ليا باب اقصراه والمسافة بينهن تنحسب خطواتها يشتكي ضعفه ويذكر نشاطه في صباه ويذكر الدنيا وما ذاق من لذاتها جالسٍ في مجلس الهون ولحافه عباة ينتظر ساعات عمره تحين اوقاتها لارقد ماعنده الي يذكره الصلاة ولاصحى كل القبيلة يعد امواتها يذكر الدنيا وما شاف فيها من طراة ولاذكرها هلت العين من عبراتها وان زهم بالصوت ماله مجيب يقول هاه واكثر الورعان دونه تخفض اصواتها اخر الدنيا باهلها تسوي ذا السواة عزتي للي عشقها وذيّ سواتها غرته في مبتداها وناسيها وراه والمنايا ماحدٍ سالمٍ غاراتها الفقير يموت ويموت غيره في غناة وكل حيٍ يتبع النفس في مشهاتها نطرد الد

. . هني من قلبه دلوهٍ وممنوح حاله كما حال البغل من غذاها بين الأظلّه كنّه السدو مطروح همّه رقاده والراوبع نساها ولا شعف قلبه تعاجيب ومزوح وعيني تزايد دمعها من عناها قلبي كما وادٍ من الجند ممروح ليال مابه قشعةٍ ما رعاها كنّي بغبّات البحر راكبٍ لوح تومي به ارياحٍ زعوجٍ هواها بتيفاق زيرانٍ من الموج بنطوح وتاه الدليله والأناجر رماها على الذي بعيونه الناس ذرنوح ما يبدي الغايه على من بغاها وانا إلى جيته غدا الصدر مشروح يبدي لي أسرارٍ على أمه كماها ولو ما هرج لي عارفٍ كل منضوح عندي طواريق الهوى وامعناها والله ياخلٍ صفط لي من الروح لا صفط لها من روح روحي جزاها ما أنا الذي يركي رفيقه على صوح معطي كراب ايديه يبغي ملاها ولا ياصل الحروه يقع كل ممدوح وانا براي الله لعدّي وراها من خاطرٍ ما عارضه كل ساموح إلى بغى له نيّةٍ وانتواها يفتي برايٍ يجمع العزب وسروح وتمسي جميع يحتذر من عداها وجزاه عند اقفاه بالرجل مكثوح سبع اكثحاتٍ يقتبس من حصاها ما يتبع المقفي حذا كل ينبوح أو ثور هورٍ ما يثمّن قفاها . - #شعر عبدالله بن حمود بن سبيّل رحمه الله . .

. . ايه احبك ولا للحب صحوة ضمير أي صحوة ضمير اللي تميت القلوب ايه احبك ولاني في الهوى مستخير دمي اخضر ومن دمه خضر مايتوب لو تكون الخطايا في حياتي كثير انتي اجمل خطيّه في حياة الذنوب كلما جيت ابمشي واهتدي واستخير وابتعد عنك ترميني عليك الدروب صرت هاك السجين اللي هروبه يسير من سجونك ولكني رفضت الهروب جيتك ارهقني الدرب الطويل القصير جيتك بكل مافي سيرتي من عيوب انتي البرد.. ثم البرد.. ثم السعير وانتي الفجر ثم الفجر ثم الغروب انتي البحر.. والشاطي ملاذ الفقير وانتي الصدق في ثغر الزمان الكذوب انتي بلاد مجهول الوطن والمصير وانتي ابعاد مستقبل حياة الشعوب - #شعر// #الحميدي_الثقفي . .

  إلهي لا إله الا أنت خلاق العباد أصناف يحمدك عبدك ليا ضاق من همه وإلى أفرجته رأيت إن البنادم لو ترد له السمان عجاف يجي من بعد ما خارج ولا عود وخارجته وأنا البارح بقى في نفسي من الطهر وزن وقاف خذيت بها الخيال اللي سرالي قبل ما أعرجته تسابق من مداميع المحابر والشعور لحاف يغطي.. عاري الابيات لا شاهد تبرجته بعد فقد المحب ودمعة الهجران بالاسراف أخذت من الشعر صمتٍ ليا من فاض مخرجته وسط روضٍ من الآلام به مزن الحزن ذراف ثمر فيني من جروحي على عمياه وعرجته يناظر للنبات اللي بلا لونٍ وعرقه جاف يبي يقطف ولكني على البستان درجته نباتٍ لو يندّي ما عليه من النبات خلاف يجي حوله غدير الذكريات اللي تفرجته ويداعب مسمعي صوتٍ لحقه من الزمان أجحاف تصفح دفتر أحزاني وما جفت بي أدرجته عزلني عن بقايا عمري المبهج وزاد أضعاف هوا برد الضمير اللي قسى حره ولا أخرجته كتاب العمر معطيني من الدنيا دروس تشاف عرفت بها عدد ما أجهل من النية ببهرجته ثلاث أشياء ممكنها توضح محتوى الغلاف تبين ما عجز عنه كلامٍ قد تحارجته عرفت إن التسامح يا مسامح من جفى الاعراف

  تعالي يابعد منهو قضى ثلثين من عمره على رجوى اللقا واقف على درب المحبيني دخيلك لا تذري الملح في جرحن نفد صبره تعالي وارسمي البسمة بوجهي لا تعنيني تعالي في حقول الياس نزرع للأمل بذره عساها يوم تتحول من الفرحة بساتيني تعالي نرجع أطفالن ونترك للعنا بكره ونرسم في كراريس الهوا وردة وقلبيني تعالي عن مشاعرنا نسولف والهوا جمره وثلج البوح يطفيها ما دامت عينك بعيني فديتك لا لبستي من الحيا ثوبن زهى الحمره وقلتي الحب لو يطفي شموعك ما يطفيني فديتك رعشة أيدينك تداعب للحيا وتره قبل أقوم وأتجرا وأضم أيديك بيديني وأقول الحب لو شفتي حدود العالم بكبره كثير أصغر من ضلوعن تضمك يالغلا فيني تعالي نحيي الماضي ونحيي للفرح ذكره ونكسر ناينا اللي من حدود الدمع يدنيني تعالي والعبي بشعرن يغار الورد من عطره وحاكيني عن أحلامك وحاكيني وحاكيني وحاكيني وأنا بسمع وأعيش الحلم من صغره وأحلق في فضا حلمك وصوتك حيل يغريني تعالي لا تخليني على باب الرجا مكره أقز الجاي والرايح وأقول اليوم تاتيني تعالي كان ماجيتي يق