® رشـيـد ๏̯͡๏

عزة نفس بقايا دمع في عيني تحدى لحظة المأساة حلف ما ينهمل من عين مازال النظر فيها بقايا دمع لا ماسال من عين بكت بسكات بوقت ما تلام العين لو هليت صافيها حبست الدمع والقلب اختنق في زحمة الاهات كتمت بصدري الونات لوماني بقاويها دموعي,, لو تحدرتي من عيوني على الوجنات بقت نار بقلبي ما هقيت الدمع يطفيها غزير الدمع ما ينفع,, ولا تنفعني الونات جروح القلب ينزف دمها يا من يداويها عزاي ان الصبر موجود لو راحت سنين وجات عزيز النفس مالمت الليالي والعزا فيها انا مهما تجرحني سنين ما ابكي اللي فات طموحي حي وآمالي تموت اعود احييها عذرت العين والعين اعذرتني يوم دمعه مات قبل لا ينهمل من عين مازال النظر فيها حمود التميمي

خطوة المجروح في رمل العتاب لوحة في عالم اليأس رسمتني ياهبوب الياس لاتيقض صواب خلها ذكرى اشيله فوق متني سر غامض فجر بحور العذاب وصمت قاتل فيه عيني ماعذرتني نفسي وقلبي غدن شوف وسراب اوهمن عقلي ودنياي اوهمتني قلت اسامح قال قلبي لاتهاب قلت الاطف والعواطف ماقوتني في حروب الفكر حديث الحراب وانتخيت بعبرتي يوم اخذلتني شدني صمتي ومن الدمع السحاب والهموم الغازيه فيه هزمتني قمت اجر اذيالها ضعف وعتاب لوحتي صورتها يوم رسمتني فالح بن عبدالله الناهي

. . عَلَّمتْني عزِّتي عشق الغمام وَعلَّمتْني همِّتي عوف الكرى أوقد الشمعات.. ما ألعن ظلام نشوتي لاشفت بسمات الورى الفعل له صوت أقوى من كلام والنوايا هي سبايب ما جرى والخطاوي ما تبي غير الأمام لا يمين.. ولا يسار.. ولا ورا أسعد وأسعى وأحزن بابتسام والهموم إن جات ما تبطي ترا يا كذا.. ولاّ على الدنيا السلام يا نفوسٍ ما تباع.. وتشترى ** ** - #شعر نواف الشلهوب .

يا الله يا فارج الكربات والشده يازايل الهم والهوجاس والضيقة تفرج لمن قامت الايام تحتده صوب أشهب اللال حتى نشفت ريقه وسود الليالي تدور وبيحت سده والله درى عن ردى حظي وتوفيقه والوقت طول وصبري واصل حده واليا وصل مثل صبر ايوب ما طيقه على وليف يتل القلب ويشده شدة مخاليب حر عقب تحليقه ابو عيون لها وقت الرضا لده تصوب الرجل وتهنيه وتعيقه سود ونظراتها لو تبتسم حده ووساع تدخل على الله من مخاليقه اليا نظر فيّ باسلوبه ومن جده أحس قلبي مقطعت معاليقه واليا تكلم الوقت ونعده محلا كلامه ويا محلا تعاليقه وليا ضحك تضحك الدنيا على يده وان زعل كني سجين طال تحقيقه أقابله عندهم بالهجر والصده مابي حد يدري اني من عشاشيقه وليا أقبلت ينشرح صدري من قده وان راح تسمع زفير الصدر وشهيقه شوفه ربيع الفواد وغيبته ضده وبعده سبايب حزن قلبي وتمزيقه والقلب وده يصارحهم ولا وده أخشى عليه العتب تصفق صوافيقه حبه دخل وسط قلبي ما اقدر أرده وأنا أحسب إنها ما تلحقني ملاحيقه وان قيل بحر الهوا جزره قبل مده وش يستفيدون من كذبه وتصديقه قصة هوانا حقيقيه وممتده م...

الكزبرة الخضراء من الخضراوات المفيدة التى يمكنك استخدامها لتنظيف الكليتين بطريقة صحية، وذلك من خلال شربها كعصير، ومن خلال سلسلة "صحتك فى وصفة" نقدم لك طريقة عمل عصير الكزبرة الخضراء لتنظيف الكليتين، بحسب موقع "Medi idea". والكزبرة الخضراء لها العديد من الفوائد الصحية منها: تقليل التهاب الجلد، خفض مستويات الكوليسترول، علاج الفطريات والأكزيما، علاج الإسهال والقىء والغثيان، تنظم ضغط الدم، علاج قرحة الفم وغيرها.   المقادير:   كزبرة خضراء ليمون ماء طريقة عمل عصير الكزبرة لتنظيف الكلى: 1- اغسل الكزبرة جيداً بالماء . 2- قطع الليمون وضعه فى وعاء وصب الماء عليه ثم ضع الكزبرة بعد تقطيعها، وأغلى الخليط على النار لمدة 15 دقيقة، واتركه يبرد ثم اشربه.

بسم الولي مبداي علام الاسرار الواحد اللي جملة الخلق ترجيه عشر نصايح لك نظمته بالاشعار ياللي جميل القول تسمع وتوحيه انصح بها نفسي وللغير تذكار اذكره ان كان به شي ناسيه الأولة حافظ على الدين باصرار وفرض الصلاة اليا وجب لا تخليه الدين بامر اللّه نجاتك من النار ودرب الطمأنينة ابدينك تلاقيه والثانية والدك خلك معه بار ومن يرضي الوالد رضي عنه واليه والثالثة لا يجزعك شين الاقدار حيث القد رب المخاليق يجريه والرابعة اغفر ترى الله غفار وربك يحب العفو ويحب راعيه والخامسة جارك ولو هو معك جار واجب تودّه واجب انك تراعيه والسادسة ضيفك اليا شرف الدار اطلق احجاجك له ورحّب وحيّيه والسابعة لا تجلس الا مع أخيار واحذر جليس السو احذر تخاويه لو هو ضحك سنه ترى القلب مكّار لا يخدعك وابعد عنه لا تماشيه والثامنة اياك تغضب وتنهار ترى الغضب ملزوم تندم بتاليه والتاسعة خلك حليمٍ وصبّار ويا سعد من كان الصبر خصلةٍ فيه والعاشرة وعدك ولو تخلفه عار الحر وعده دين لا بد يوفيه تمت وصلواعد ما طيرها طار على الذي لا شك ماحدٍ يماريه منصور بن عبداللّه ...

قطفت من بستان شعري ونقيت ابيات شعر من قراها رواها نظمتها مثل الدرر ما تأنيت وصارت قصيده تعجب اللي قراها قالوا تحب وقلت بالحيل حبيت واهل الهوى ياناس ما اكبر غثاها حبيت عذراً تجمع الزين والصيت بثوب الستر سبحان رب كساها اخفيت حبي ماشكيت وتشاكيت لكن دمع العين بين خفاها دمعي فضحني ثم بينت ما اخفيت وقلت انني متعذب في هواها ياهل الهوى ياما سهرت و تعنيت والنفس عجزت لاتحصل مناها صبرت لكني من الصبر مليت والعين من كثر البكا جف ماها حاولت ابنسى ماقدرت وتناسيت لكن مع النسيان يكبر غلاها قدام عيني كل ما اقبلت واقفيت عمري قضى واقفا وانا في رجاها صدت وانا عنها ولا يوم صديت واقفت وانا متعذب من جفاها في عيشتي من بعدها ماتهنيت لا والذي بالزين كمل حلاها ياهل الهوى وش حيلتي عقب ما ازريت ياللي عرفتم علتي وش دواها من لامني عليه بالحال رديت ما احد شكى من جمرة ما وطاها عطالله بن سليمان العطاالله