لحون العشق

 

 

أحمد محمد التميمي

    يا زينك ملكّع .. وملسون
يا كاتب الحب .. وسطوره
يالحاضر الغايب .. المفتون
ودّك وعطفك متى دوره !؟
حبيبك الشاعر المجنون
ما ياكل الغير ب حضوره
قاسي ومتغاضي ومزيون
وياخذ من الدر ف بحوره
صاين طهر حبك المكنون
قهر .. وسهر ليل مقدوره
يعزف لحون العشق ب فنون
وترقص مشاعرك مجبوره !!
شفهم صغار الامل يبكون
دمعٍ رسم للحزن صوره
وشبت شجون الوجد غليون
تشعل دخاخينها فوره !!
تذكر زمانٍ مضى وطعون
هجرك قسى فعلك وزوره
أرجع وشف بعدك المسنون
وشلون يشبع طعن جوره
وقلي متى قربك المصيون
يمسح ظلام الجفا نوره ؟!