حفيد الطِّيب كلّه
الشعر الشعبي الوطني المُشرِّف وجه من أوجه الولاء والوفاء واللحمة الوطنية، والقصيدة التالية تُجسِّد مشاعر الشعب السعودي النبيل أبناء المملكة العربية السعودية، تجاه مقام سيدي صاحب السمو الملكي الأمير محمد بن سلمان بن عبد العزيز ولي ولي العهد ووزير الدفاع -أطال الله عمره وأدام عزّه -
إعلان
قلت أسرّيها على الغيم وتفلّه
صرخةٍ جت من ورا ضلوعي دفينه
جبتها يوم الخواطر مسفهلّه
في نهارٍ يلبس ثياب السكينة
تطوي الأرض لحفيد الطيب كلّه
من تسمّاه الفخر واطلق جبينه
من على الطولات سيف المجد سلّه
والمراجل كلها جت في يمينه
فخرنا محمد ومن ياصل محلّه
ساكنٍ فينا وحنَّا ساكنينه
طير حوران وسليل الطيب من له
في ميادين الفخر أكبر مدينه
ولد منهو ظلّنا بالخير ظلّه
بوفهد يا جعلها تبطي سنينه
كفو من رباه بالعز وفطن له
لين صار الحر وش كبره بعينه
فيه ظن أبو فهد ما خاب لله
جا على الظن يتهادى من عرينه
ودام هو نبراسه وهو قدوةٍ له
ما عليه خلاف من حينه لحينه
فيصليٍ يعقد الراي ويحله
والشجاعة سيفها يزهى يدينه
حرٍ يدل النواميس وتدلّه
مسرج خيول الهقاوي خابرينه
من بحر سلمان خل العلم خلّه
مرتوي من حكمه وحزمه ولينه
وإن كتب تاريخ الأمجاد.. بسجلّه
سيرته.. فاح بشذاه وياسمينه
منهو مثل محمد ومنهو وصل له
وينه اللي يشبهه وينه ووينه
-
الشاعر: خالد الجبر
.
تعليقات