تساؤل

عوده بعد غياب للنصوص النسائيه
قراءه ممتعه
-





قال يا بنت المعنى عن غرامك وش يرده

قلت ربك وان عطاك اكرم من جزال العطايا

قال يا اخت النجم انتي تقصدين الرمل اعده

قلت وش يمنع واسولفها على كل الصبايا‍‍

ان صدق ظنك تخيرتك غرورٍ فاق حده

ان صدق ظني منعت الغيم واسقيتك ظمايا

قال من يجمع خيوط الشمس والفية بيده

قلت من عاش المسا والصبح في هاك السمايا

انتبه سلك الحرير اللي تمره لا تشده

طف نجمك في عيوني واستلم عذب الهدايا

قال يا بنت الغلا قصتك وانتي مستجدة

والعيون اللي على خبري تسوي بي سوايا

ناظري كيف المواني تحضن البحر وتهده

وانتي البحر ان سترته نامت اطرافه عرايا

لو تكونين السراب الصدق يطلبك المودة

من يكذب بك يشوفك صورة الكون فمرايا

قلت يا صوت المدى واخر حدود المجره

عانقتك الريح واستوطنت بي كل الحنايا

يا تباريح الجنوب استيقظي لا باح سده

يا الشمال العذب لا تخفي على المغرم خفايا

عاشقك مجنون ودروب اليالي مستبدة

وليا ذنبٍ تمثناني وتكفيره خطايا


-
للشاعره/  أبعاد التركي