® رشـيـد ๏̯͡๏

التزمت الصمت واغتال السكوت ضحكة صفرا على الجرح اتكت بالمشاعر ما أجامل لو أموت وللغدر وجهٍ تقاسيمه حكت بين همز ولمز في مخباة كوت حاجةٍ تذكر وحاجه ما بدت من سمع في كلمه من غير صوت او سمع صخره على ابن آدم بكت ما دخل انسان بيت العنكبوت أو هدب عينه على كفه نبت شاربٍ ما تفقده لو راح فوت وشاربٍ من نظرته عينك روت في شتا همي مشالح مع بشوت والأمل ما يوم روحي به دفت عندليب وللأسف شبعان موت يابس الجنحان والنظرة طفت من يعزي الناي في نغمة تفوت شوقها مفتون في لحظة مضت من يشيل حروف من بعض البيوت وصورة المعنى شعاع وما غفت ريشه وفنان وألوان وزيوت وعبقرية ملهم اللوحة زهت عاشق المرجان يدخل بطن حوت وعاشق الدنيا مع أنوارٍ ضوت     للشاعر سعد الخريجي

عفا الله عن من جور الايام ضايمه مشت له غرابيل الزمان ومشى لها يجاهد همومٍ بالحشا بذت الخفا كما النار وانهب الهوى باشتعالها سبايب شقا عشرين عام من الدهر تقافت عليه ايامها مع ليالها تصافق به الامواج في كل ناحيه لين المراكب بان فيها عطالها دنيا تخلي خايب الناس يرتفع تجيه المراجل جالس ما عنالها لو ما سعى يجيه حظه يسوقها سوق الهبوب لصدوق خيالها ولا تامن الدنيا ليا منها اقبلت تراها ولو طابت سريع زوالها ان اقبلت دنياك لا تنخدع بها لابد ما تقفي وتقصر حبالها ولا تامن الايام يا جاهل بها لو هي جميله لا يغرك جمالها كم واحد يركض وحصيله التعب ما حاش منها غير بالي سمالها ما كل شي بالتمني تحققه ولا كل شي تطلب النفس جالها وقولة نعم ما كل واحد تجيله ولا كل من يبغى المراجل ينالها ولا كل من يبغى المعالي وصل لها يا كود من خضب بدمه سلالها ومن يبدي اسراره لمن لا يوده عقب الندم تصفق يمينه شمالها من رافق الخايب نزل منزل الردي مثل القليب اللي كثير هيالها ومن رافق الاجواد تصفي مشاربه ومن رافق الانجاس شرب حثالها ولا يامن النكبات من شاور الن...

. صباحك ندى يا ساكن الذاكرة والعين وباقي نهارك والليالي هنا وافراح تدلّل وزيد الدّل يا سيّد الحلوين يقدّيك لا قالوا: طباع المليح ، ملاح عليم الله انّا يا هوى البال مشتاقين لساعة صفا ما بيننا والنفوس سماح ترى يكفي المشتاق من يمّكم ثنتين شويّة حنان ، وشيّ من عطرك الفوّاح دخيلك ترى ما فيّ لمطارد المقفين ولاني براعي كيد ومشاغبة وصياح ولا لي مطامع زود في عالم الترفين سوى (الغادة) اللي صابني رمشها الذبّاح عليها خفوقي يا (سعد) منقسم نصفين نصيفة (غلا) والنصف الآخر تعب وجراح خَذَت زِينة اللي راح واللي بعد جايين ومن شفتها بالسوق يا خوك، حيلي طاح رمتني وانا ماشي معا جملة الماشين بسهم المنايا رمية (السارق المزّاح) وانا قبل ذاك اليوم سالي مع السالين بدنيا القصيد وعالمه داله وسوّاح - محمد الشهري

. ان كنت جاي تجس نبض المودة فانا على حطة يدك ما تغيرت وان كانها صدفة ماني مستعدة اكذب واقول اني بها ماتأثرت خط المواجع بين صدّة وردة ينبيك عن حبٍ منه ماتحررت مَيِّل على دمع المفارق وهَدَه دمع المفارق منه ياما تضررت ظهرت لي من بعد عِده ومِده واحييت جرحٍ عنه بالحزن كَفَّرت والله مالي بالوداع اي شدّة عزمي خذاه العمر معك وتدهورت همال فقد الحب وَسَّمت خده مجراه ينبي عنه لوإني اسررت وقصر الوفا لرضاك مافيه قده من معدن الاخلاص لبناه عَمَّرت ويوم إن حد الصبر بالغ بحده حديتني على الرجوع وتغيرت غيرت عقرب وجهته حول يده وكسرت معصم نيته فيك وادبرت باب الوصال اللي بهجرك تسده وش له فتحته في مجيك وغررت غررت قلبٍ كان له عنك مِدة ليتك عتقته عن مجيك ووفَرت ما بين وصل وهجر ضدٍ وضده بكَيتها حبر وختمته وسطّرت اقولها سوّ الذي بي توِده ياعطري اللي من جروحه تعطرت إن كان عندك شي بالله رُده رده لو إنك عن مَرَده تأخرت غلاك ماياصل غلا انسان قده علمني بحل الوجع لا تاخرت نور الوليدي .

مثل الصباح عبدالرحمن الصالحي     الصالحي في هذه المقطوعة يبين رأيه في مواقف الرجال ويحدد مواقف أهل النبل والشهامة حيث يقول: يطلع لك الطيب مثل طلعة سهيل لاضيع الساري دروب بغاها طلعة سهيل تبشر الناس بالسيل يكفيك عن باقي النجوم بسماها عليك في منصى الرجال الحلاحيل اللي يحلون العقد من رشاها جمال الحمول بحزة الثقل والشيل ولاكل من هام الثقيله قواها في حزة الشدة تبين الرياجيل لازمك يكشف طيبها من رداها مثل الصباح إليا فهق مشلح الليل والشمس زاحت ظلمته في سماها عليك باللي يذلل الصعب تذليل لاقال كلمه في فعوله حماها إليا جا اللزوم وشدو الحبل بالحيل يحلها بالجاه وإلا شراها هداج وان كان الزمن شح بالكيل يمناه بالمدات جزل عطاها لولا الفعول القول ماله محاصيل ولا كل من هام الطويله رقاها

فورت - د ب أ   يرى أغلب الأطفال استخدام الألفاظ البذيئة والشتائم أمرا مثيرا وشيقا يمكنهم من خلاله التعبير عن أنفسهم واختبار رد فعل البيئة المحيطة بهم. وأوصى عالم التربية الألمانية أولريك ريتسر-زاكس الآباء بالتعامل بهدوء مع استخدام الأطفال لهذه الألفاظ، موضحا أنه كلما كان رد فعل الآباء عنيفا على كلمة معينة، سوف يتحمس الطفل لاستخدامها بشكل أكبر. وأشار ريتسر- زاكس إلى أن الأطفال يكونون مرآة عاكسة للألفاظ التي يستخدمها آباؤهم والمحيطون بهم، لاسيما في بداية اكتساب اللغة، وأوضح ذلك بقوله: "الكلمات التي استخدمها بصورة دورية، سوف يستخدمها طفلي أيضا". وذكر مثالا على ذلك بأن الآباء مثلا في منع ابنتهم أو ابنهم من التعود على قول الكلمات التي يستخدمونها هم أنفسهم إذا انفجر كيس القمامة مثلا وخرج كل ما به. وأشار العالم التربوي الألماني إلى أن لكل شخص تقريبا حدوده الخاصة في إحساسه بمدى بذاءة الألفاظ والسماح بها، وأوضح أنه يتعين على من يشعر باستياء شديد من مصطلحات معينة أن يبعدها تماما عن منزله، وأوضح كيفية القيام بذلك بقوله: ...

. . . يا مزنة هلت مدامعها بلا برق ورعد اعشوشبت منها الفياض ولبست الوان الزهور ليا بكر الوسمي لنا فيها مع الغالي وعد تضحك لنا القمرا وتغمرنا السعادة والحبور نبعد عن الروتين والضوضاء وعمران البلد ما نسمع الا همسة النسمة وتسبيح الطيور النفس تأخذ كل راحتها ويرتاح الجسد وتهدي لنا ازهار الخزامى والنفل اجمل عطور نفحة من الجو اللطيف ترجع الشايب ولد من قال نفحات الصحاري مثل تكييف القصور؟ اذا نويت اخرج من همومي وابددها بدد خرجت عن صوت الشوارع واختناقات المرور مع ديرة ممطورة فيها نظر عيني جرد وجلست في روض يغذي نبته الوبل الطهور ما فوقي الا القبه اللي رفعت بليا عمد تشكلت فيها نجوم الليل تعط الارض نور الوقت ما يرحمني اهمومه وحبله مسد واحاول اقفز فوق الانفاق الكئيبة والجسور انا بدوي قلبي اقسى من حصى شمرخ واشد والين من الديباج في بعض المواقف والامور احبابي اكثر من شعر راسي وحسادي بعد فسر تعابير الوجيه وتعرف اسرار الصدور طال المدى والسبت يأخذ بعض ساعات الاحد والليل في رأس النهار عنان والساعة تدور يصفي من ايام السنة يومين والباقي عدد يوم اجتماع الطيبين ويوم تجبير الكسور واغنى رجل فـ العالم اللي ما شك...