® رشـيـد ๏̯͡๏

  إلهي لا إله الا أنت خلاق العباد أصناف يحمدك عبدك ليا ضاق من همه وإلى أفرجته رأيت إن البنادم لو ترد له السمان عجاف يجي من بعد ما خارج ولا عود وخارجته وأنا البارح بقى في نفسي من الطهر وزن وقاف خذيت بها الخيال اللي سرالي قبل ما أعرجته تسابق من مداميع المحابر والشعور لحاف يغطي.. عاري الابيات لا شاهد تبرجته بعد فقد المحب ودمعة الهجران بالاسراف أخذت من الشعر صمتٍ ليا من فاض مخرجته وسط روضٍ من الآلام به مزن الحزن ذراف ثمر فيني من جروحي على عمياه وعرجته يناظر للنبات اللي بلا لونٍ وعرقه جاف يبي يقطف ولكني على البستان درجته نباتٍ لو يندّي ما عليه من النبات خلاف يجي حوله غدير الذكريات اللي تفرجته ويداعب مسمعي صوتٍ لحقه من الزمان أجحاف تصفح دفتر أحزاني وما جفت بي أدرجته عزلني عن بقايا عمري المبهج وزاد أضعاف هوا برد الضمير اللي قسى حره ولا أخرجته كتاب العمر معطيني من الدنيا دروس تشاف عرفت بها عدد ما أجهل من النية ببهرجته ثلاث أشياء ممكنها توضح محتوى الغلاف تبين ما عجز عنه كلامٍ قد تحارجته عرفت إن التسامح يا مسامح من جفى الاعراف

  تعالي يابعد منهو قضى ثلثين من عمره على رجوى اللقا واقف على درب المحبيني دخيلك لا تذري الملح في جرحن نفد صبره تعالي وارسمي البسمة بوجهي لا تعنيني تعالي في حقول الياس نزرع للأمل بذره عساها يوم تتحول من الفرحة بساتيني تعالي نرجع أطفالن ونترك للعنا بكره ونرسم في كراريس الهوا وردة وقلبيني تعالي عن مشاعرنا نسولف والهوا جمره وثلج البوح يطفيها ما دامت عينك بعيني فديتك لا لبستي من الحيا ثوبن زهى الحمره وقلتي الحب لو يطفي شموعك ما يطفيني فديتك رعشة أيدينك تداعب للحيا وتره قبل أقوم وأتجرا وأضم أيديك بيديني وأقول الحب لو شفتي حدود العالم بكبره كثير أصغر من ضلوعن تضمك يالغلا فيني تعالي نحيي الماضي ونحيي للفرح ذكره ونكسر ناينا اللي من حدود الدمع يدنيني تعالي والعبي بشعرن يغار الورد من عطره وحاكيني عن أحلامك وحاكيني وحاكيني وحاكيني وأنا بسمع وأعيش الحلم من صغره وأحلق في فضا حلمك وصوتك حيل يغريني تعالي لا تخليني على باب الرجا مكره أقز الجاي والرايح وأقول اليوم تاتيني تعالي كان ماجيتي يق

يالله ياللي.. فارضٍ.. دين الإسلام على طريق الطيب دربي.. تدومه ما دام طير الموت لي.. ما بعد حام وأرخى جناحينه.. وجتني سهومه العمر قصه تنتهي مثل الأفلام طلاّبها.. لا بد.. ياخذ لزومه به يوم ما يفرق.. عن أشكال الايام ولا يوضّح.. للبنادم.. علومه يمشي وميعاده.. مع الناس.. قدام والحاكم الله والحياه.. أمحكومه يا قلبي إرضخ.. والرضا.. سيد الأحكام سماك لا تغويك لمعة نجومه عرضّتني.. شوحات.. بقعا بدرهام ما فيه ضلع إلاّ تشرّف.. رجومه أرتح.. ولا تقزي.. خويك ليا نام ولا تصير المتهم.. في همومه لا عاد.. تصبح بين مسرى.. ومجهام اللي تعذّر.. غايتك لا تلومه الناس.. يا قلب الخطا صاروا.. أقسام والوقت.. يدرج.. ما تغير يمومه خل الليال.. الماضية.. تلحق العام ما فات مات.. ويصعب انك تسومه حنا تغيرنا.. والايام.. الايام شهر يمر.. وذاك.. يعلن قدومه اللي منوّل.. كان بالضيقه حزام جمل محامل.. ما تلاشى.. عزومه يدري به.. الداني.. والاقصى ليا قام ونفسه عن الفعل الهزيل.. أمحشومه لا شانت.. وجيه الرجاجيل.. مقدام

. . لا جفاك الزمان وحاصرتك الهموم دور اللي يشيل الحمل وشتك علاه واحدٍ لا نصيته في اللوازم يقوم قومته تبهج الخاطر وتروي ظماه ما يشيل الحمول إلا قوي العزوم والضعيّف ضعيّف ما ربح من نخاه الرفيق الوفي تلقاه عند اللزوم مثل بيتٍ إلى احتجته يذري ذراه جاهزٍ للدفاع وجاهزٍ للهجوم يا الله تكثر أمثاله وتحيي نباه ثابتٍ مثل ضلع (طويق) بين الرجوم لو تهب الهبابيب ما تحرك حصاه وفاهمٍ في العوايد فاهمٍ في السلوم طيب الساس حرٍ ما يبي له وصاة ذاك والله رفيقي جعل عمره يدوم يسعد الله صباحه يسعد الله مساه أتشرف بمعرفته وأقول محشوم حشمته عندي اكبر من جبال السراة اذكره كل ما هبت عليّ السموم هو رصيدي وبنكي في بنوك الغناة يا عساهم تحت ما طاه كل الرخوم ويا عسى الله ف ها الدنيا يطوّل بقاه القصايد بمدحه تحتفل كل يوم ولو مدحته بشعري كيف بلحق جزاه والمراجل صعيبة ما تجي بالعلوم ما تجي كود بالمجهود طول الحياة يتعب الرجل ما حقق كثير الحلوم والصبر يوصل الرجال غاية مناه والليالي تراها لو صفت ما تدوم مير يا الله توفقنا طريق النجاة . . #شعر// سهل بندر

طقوس الشوق   ظلام الليل وجداني بدونه والعيون تخيل اسج بنظرتي واسهى عن الدنيا وما فيها تصير من الوله ريشه وجفني يحمل التشكيل وفي وسط الفضا ترسم لها صوره تناجيها وصارت عادةً فيني اذا ظلٌم علي الليل سكونه كنها روحي تسمع في حكاويها تذكرنى بها عبره اذا شفت البدر وسهيل طلوع البدر طلتها ونجم سهيل طاريها خيوطً بيض اوصلها على حد النجم توصيل واميلها اذا مالت وعدلها واساويها طقوس الشوق في عين المنجم متقن التحليل تخيلها حياه ولاقدر ليله يخليها ولجل عيون من حب. وعشق من شانها التضليل عن العالم عزل روحه وعايش في خلاويها اموت من الوله في داخلي عبره تهد الحيل عبر نظرة عيوني في ظلام الليل اسريها تنام عيون خلق الله وعيني كنها الدربيل تبعد صورتك عني وشوق الشوف يدنيها واذا غابت سرجت السٌبع وطوعتها لي خيل ومن بين النجوم ابيات شعري فيه اغنيها قصيدً يبهر المحار وكل اللي يقول القيل نظم من شوق بيطارً تمكن من قوافيها ولاهو حلمً مرهونً علي مايشتهي التاويل حقيقه داخلي وجله وبظلوعي اغطيها غدى جسمي كما لو فيه ناس وفيه قال وقيل ل

  يكذبون ان قالوا اني جبت طاري يكذبون ان قالوا ان اسمك ذكرته صدقيني لو قصرت عنك انتظاري ما تركت اللي وصلني ما عتبرته كنت جالس بينهم والقلب ساري عندهم لو جف دمعي ما عذرته كل دمع (صادق) صدق اعتذاري ما انتظرني من غلاك، ولا انتظرته اسأليهم وش كثر كان انكساري واعذريني خاطرك يمكن كسرته بس هم شافوا لك بعيني مواري كنت ابخفي طاري الحزن ونثرته كني ادري عن سوالفهم وإداري لا يجي طاريك وأبطي ما سترته يكذبون ان قالوا اني كنت داري كنت ساهي ومدحك شخص وشكرته هلال المطيري

إعداد: أ. د. أحمد الزبيدي هل دائماً تشعر أن جدول عملك الروتيني وأن التزاماتك الاجتماعية والعائلية تُشعِرك بالتعب المزمن؟، لا تقلق فهناك بعض الأخبار الجيدة. يمكنك زيادة طاقتك وتذليل تلك المشاعر من التعب مع بعض التعديلات على نظامك الغذائي ونمط حياتك بشكل عام. بل وينبغي أن تنظر إلى المحافظة على مستوى الطاقة الخاص بك على أنه سباق ماراثون، فليس هناك حل سريع وسهل يمكنك الحفاظ به على مستويات الطاقة عالية إلا من خلال الجمع بين مجموعة متنوعة من الاستراتيجيات. أهديك ثماني استراتيجيات بسيطة يمكن أن تمنحك دفعة الطاقة التي تحتاجها خلال اليوم والتى جمعتها خلال قراءتي وجلوسي إلى خبراء اللياقة البدنية والتغذية: التمرين من الأمور البديهية التي تعزز مستويات الطاقة لديك. تشير كثير من الدراسات القديمة والحديثة إلى أن الأشخاص المستقرين الذين يبدؤون ممارسة الرياضة يحصلون على طاقة عالية بشكل ملحوظ. لا تحتاج إلى ممارسة التمارين الرياضية عالية الكثافة لجني الفوائد، ولكن يمكنك بشيء بسيط مثل

. . يموت الشجر ويطير منه الحمام أسراب وتهاوى غصون الصبر واحد ورى الثاني تساقط ورقها مابقا في الحياة أحباب حطبها الحنين وصوتها أغصاني أغصاني تقاوى بوجه الريح لو هي بدون ثياب لها صرة شوف الزمن وين وداني له الله لو الصبر ما علم الحطاب يخلي الشجر واقف لو يموت وحداني تباكي عصافيره على كل شيء غاب وتمنى تشوف أعشاشها بين الأغصاني تطاير ولابه عش يستقبل الغياب وانا غير عش في الشجر مالي أوطاني خذو كل شي ورجعوني لقلب الغاب أبي راحتي لو الثمن روس جنحاني تحسبونني مرتاح ولنا غريب أغراب أنين الرياح وصمتها مصدر أحزاني لنا الله لو الصبر ما عاد يفتح باب لو أقول له بالله مره على شاني ولانيب قايل له لو يقول يا كذاب مدامه يعرف اللي بقلبي على لساني ولو انه بينفعني نفعني وهو ما شاب قبل لا يساومني على مبدأ انساني تموت القلوب من الهوى اللي مغير عتاب وتشوف الثياب الضافية مثل الأكفاني . . #شعر// سالم الرويس . .

. . رفعت كفي ما قدرت ارفع الصوت لو كان فالخاطر كلامٍ كتمته لحظة وداع وكنها سكرة الموت ضاع الطريق اللي من اول رسمته ضاع الطريق وصرت في الدرب مبهوت مدري وش اللي فاتني ما اغتنمته! العمر مرّ وراح مع فايت الفوت صحيح ضعت وضاع حلمٍ حلمته الا انت ياللي قربك لروحي القوت لو غبت يبقى وسمك اللي وسمته يبقى كما نقش على الصخر منحوت حفظته بشكله ولونه وسمته ولو الفراق اوجاع والبعد ممقوت اصبح مصيرٍ من غلاك احترمته دمع النصر لو طاح من (عين جالوت) (عين العقل) دمع تكنّه/ حشمته ذخرت لك يا فرحة العمر تابوت فيه الغرام اللي بديته ختمته يبقى الغصن لو ما بقى فالغصن توت يحرك انسام الذعاذيع.. صمته سكّت وانا من موادعك مكبوت شي تجاهلته.. وشي فهمته حبل الرجاء من جور الايام مفلوت ياليت قلبي عن غرامك عصمته ياما بنيت بيوت وبيوت وبيوت اليوم كم بيتٍ بنيته.. هدمته . . #شعر// #مشعان_البراق . .

. . يا تل قلبي من فعول الهوى تل تلة مود بالجفا دار حوله العين ممروضة وجفن السهر مل غديت مثل النجم في وقت أفوله إن قلت قول قالوا الناس ما دل والا سكت يقولوا أزريت أقوله يا وقت مالي فيك حيلة ولا حل عليل فرقا والسنين معلوله والقلب ياما فيه للود من غل من كثر ما أعياني على حد قوله ليل الغرام اللي ذبحني من القل ما نيب له قاسي وعيني خجوله اليوم ثالث عام للحب كمل يا كيف ينسى صاحبي بالسهوله أحسب عليه منول اليوم لا زل واليوم حتى الصوت عجزان أطوله يا ليت قلبه من حياض الهوى عل كما تعل عيوني أطياف زوله والله لو ما حل بي فيه قد حل ما أشكي الفراق ولا أنحرم من قبوله والحب يا ما به فقيرين ومقل كم ناس حتى بالمشاعر كسوله واللي يدور في سراب الظما ظل يموت من حرّ الفراق ورسوله حروفي الريحان وخدوده الفل لا تنشد العاشق يدلك نحوله وإن قيل خير الهرج ما يختصر قل العشق بعضه من كمال الرجوله يا هني من ما له خليل ولا خل ما عنده من الحب شي يقوله . . #شعر// مساعد بن جميل .

عذب الأنغام   تسوقنا الأقدار ونسوق الأقدام يوما لنا يحسب ويوما علينا للخلف ما ننظر والأرزاق قدام وللمرجلة مسرى الذيابه سرينا على يقين بقسمة الله والأحكام مقسومنا الطيب تحوشه إيدينا أحرار ما عشنا على الأرض خدام نسوقها غرب وشمال ويمينا أما ننال من الفخر تاج ووسام ولا على نفسنا زعلنا ورضينا ما نعيش بالدنيا وساويس واوهام ولا نعيب الايام والعيب فينا ضعف الإرادة من مفاتيح الاسقام يفتح علينا باب للطامعينا لا والذي شرف رسوله بالإسلام ما تنحني هاماتنا لو فنينا نبني قصر للمجد ما نبني خيام وندرى القدم عن زلته لا مشينا نخاف بالزلات نشفع للأخصام ورداهم اللي في خطانا يهجينا قولولهم عن كثرة الحكي صيام لا صار ما به لازمه ما حكينا أحوالنا دايم على خير ما يرام لا يفرحون أصحابنا الشامتينا واليا رموها صوبنا أقراب وأعمام ما كن حنا عن خطاهم درينا العفو عند المقدرة طبع الأكرام فيه الصلاح ومنهج الصالحينا مقبل البلوي

. . في ليلةٍ مات فيها الحلم وأبكى الحليم ترثيه سودك الى هبت عليه الشمال دايم عذابك جديد وتذكرين القديم ياملهمه.. وين أنا والصبر والاحتمال خليت عقلي على شانك خصيمٍ غريم ومديت يمناي أصافح كل شيء مال بين الرضا والغضب.. تكبر خطايا الحكيم والشرهه ادفن عتبها في عروق الرمال درب تبينه مشيته لو طريقه دحيم الحب عين العقل.. لو كان راس الهبال انتي وأنا والغلا.. فرحه نجاح اليتيم ما عنده أحدٍ يصفق له على ما ينال بشراه في خاطري خلت ضلوعه حطيم محتاج كلمة هلا.. محتاج كلمة تعال وأنا سقتني همومك من غضبها حميم ورا بلا ذنب حبيتي عذابك زلال علام أنا منك.. ماني من عذابك سليم آهات الأيام.. ما ترحم سكون الليال يا غالية للوفا بابٍ بقلبي كريم مافيه يومٍ تعذر لك كريم السبال حتى على كسرتك للخاطر المستضيم من غير منة عطيتك من شموخ الجبال يكفيني اني جعلتك بدر.. عقب العتيم ويكفيني اني جعلتك شمس عقب الظلال ويكفيني اني جعلتك سر باقصى الصميم من دون حدب الضلوع يموت عنك السوال خلدت حبك بشعري واحتواه النسيم غنوا به أهل الهوى موال والليل شال ياليت الأيام تنسينا العذاب القديم ويطي

. . بسم الذي بيديه نفع ومضرة رحمن جبار شديد العقوبة ربٍ خلق كوكب ونجم ومجرة مدبرة ومسيرة ومحسوبة وجوه على بحره على وسع بره اعجوبة ياكبرها من اعجوبة سبحان من برده يجي عقب حره ويمنع هبوبه ثم يرسل هبوبه ويقول من زين المعاني تجره وزين بزينات المعاني اسلوبه كم واحد غرته دنيا المغره مكاسبه منها بليا مثوبه والآدمي مرضات ربه تسره تغنيه عن دنيا غروره كذوبه ما ضاقت الدنيا وهو في مقره لا وجه الداعي يدينه لصوبه الخير عنده والجزاء والمبره رحمه من الرحمن للي لجوبه وصديقك الغالي لياكفاك شره كنه بعز البرد ملبسك ثوبه إليا كفاك الشر لله دره وليا كفاك الخير تسمح دروبه مابي منه لو كان مثقال ذرة وأقول ياغفار تغفر ذنوبه وإن قال عذروبي عليه أتشره وعيب عليه يوم اطلع عيوبه الثوب غير ازرته ما تزره ولا أحدٍ مفتش عن خفايا جيوبه ويا قلبي اللي فره الهم فره خلي شماله راح يمة جنوبة البحر اغوصه واجمع أنواع دره وأحطها عقد تلالا حبوبه ماني من اللي كل ريع يمره دوبه يعرف يصفف الهرج دوبه عشت الزمان وشفت حلوه ومره وشربت مره والعرب ما دروبه اخفيه مثل إخفا ا

نختار لكم اليوم قصيدة لشاعرنا الكبير - مرشد بن سعد البذال الرشيدي رحمة الله عليه.. هذه القصيدة النصيحة والذي يبين فيها شاعرنا على الالتزام بالوفاء تجاه الصديق وكذلك البعد عن الكلام الذي يسيء إلى الآخرين.  قال الذي يلعب بيوتٍ فصيحه من ضيقته يلعب حسينات الامثال يالقلب انا ابهدي عليك النصيحه هرج القفا بالك تحطه على البال ما اشوف به كود العنا والقميحه من بين غادين الجدا قال ما قال ناسٍ يحسبون النميمه مديحه وهي توصف من خبثات الاعمال زلة صديقك لاتجي لك نحيحه لو كان عايل قل حشا اليوم ما عال عزه عن الهكمه وزين سميحه خله على وجه البعيدين رجال ماكل نفسٍ من عناها مريحه لابد ما يبدي لكم بعض الاحوال ليا بدت بعض العلوم الصحيحه كل ذكر مجناه من حيث يحتال احدٍ تنجا حقته من نطيحه واحدٍ يورى للشريعه وما قال رجلٍ بلا ربع سوات الذبيحه تطاه شمطان اللحى وطيت نعال الشر تحدثه الوجيه الوكيحه سبة هبيلٍ تبتلش فيه عقال  رحم الله شاعرنا.. وأموات المسلمين وإلى اللقاء مع شاعر وقصيدة ولكم تحياتي

. . لو غاب صوتك ما غبتي داخل أعماقي الحب موجود والأسرار موجوده لا شك حال الزمان مشتت أوراقي والكلمه اللي تقال بصدق مفقوده لكن تبين الصحيح أحسن لك إفراقي ولا أنتي على الحزن والتعذيب محدوده أنا كذا واقعي وأخلاقي أخلاقي ما فاد فيها قليل الحكي وجهوده من واقعي غير همي ويش أنا لاقي والوضع بين ولا يحتاج لشهوده دايم وأنا في نقاش وجهد وارهاقي والفكر مشغول والأعصاب مشدودة وأنتي حياتك ترف والمستوى راقي كانك بقيتي معي تراك مقروده والله ما عاد باقي شي وش باقي أفكار متخالفة وكبود ملهوده وإن ضاق صدرك علاج الصدر لا ضاقي أبواب الارزاق ما هي عنك مسدودة . . #شعر// دحيم النومسي .

. . أنا احتمالي بلغ تسعين بالميه ان الحقايق مراسيلك تحرفها بيني وبينك مسافات ضبابيه سيرة هوانا معك طالت سوالفها وأنا من اللي يحبون الشفافيه ماني من اللي عباراته يغلفها تعال واجلس معي في كل جديه واشرح غموض السوالف لين نعرفها وخل النتايج تكون بشرط سريه فكك رموز الغموضه ثم عرفها بعد التفاهم تكون حلول جذريه الحل جذري ما فيه حلول ننصفها كان انت مقبل عليك اتعبت رجليه وكان انت مقفي عن المقفين نحرفها اقفي ولا أجازي الحسنات بالسيه والناس وش فرقها لولا مواقفها ابغى التعامل معي في كل وديه لا تجامل اللي معك تعلن تكاتفها ما هوب دايم معك روحي رياضيه نفسي عزيزه ومهما العز كلفها مبداي ثابت ولا أحب المزاجيه ناسٍ ليا هزها التيار يجرفها طرق التفاهم تراها أشياء مصيريه ما أمشي مسافات دربي قبل ما اكشفها وارجع رومنسي معك وقت الرومنسيه وليا وصلت الجد لي مبدأ يوقفها والناس كلٍ له أهداف وخصوصيه حب المظاهر هو أكثر ما يكلفها واللي يحب الفضول وفيه أنانيه يعلن بنفسه عناوين لتخلفها ناسٍ يعيشون بأوهام خياليه يا بخس مكيالها ما أكثر تطففها أضفيت موضوعنا