المشاركات

عرض المشاركات من فبراير, 2018

ربيع ودهر #شعر

يا الله يا فارج الكربات والشده يازايل الهم والهوجاس والضيقة تفرج لمن قامت الايام تحتده صوب أشهب اللال حتى نشفت ريقه وسود الليالي تدور وبيحت سده والله درى عن ردى حظي وتوفيقه والوقت طول وصبري واصل حده واليا وصل مثل صبر ايوب ما طيقه على وليف يتل القلب ويشده شدة مخاليب حر عقب تحليقه ابو عيون لها وقت الرضا لده تصوب الرجل وتهنيه وتعيقه سود ونظراتها لو تبتسم حده ووساع تدخل على الله من مخاليقه اليا نظر فيّ باسلوبه ومن جده أحس قلبي مقطعت معاليقه واليا تكلم الوقت ونعده محلا كلامه ويا محلا تعاليقه وليا ضحك تضحك الدنيا على يده وان زعل كني سجين طال تحقيقه أقابله عندهم بالهجر والصده مابي حد يدري اني من عشاشيقه وليا أقبلت ينشرح صدري من قده وان راح تسمع زفير الصدر وشهيقه شوفه ربيع الفواد وغيبته ضده وبعده سبايب حزن قلبي وتمزيقه والقلب وده يصارحهم ولا وده أخشى عليه العتب تصفق صوافيقه حبه دخل وسط قلبي ما اقدر أرده وأنا أحسب إنها ما تلحقني ملاحيقه وان قيل بحر الهوا جزره قبل مده وش يستفيدون من كذبه وتصديقه قصة هوانا حقيقيه وممتده ما هيب قصة خياليه وتلفيقه علم بها الليل وجه الصبح وأرتده أرتد وجهة شعاعه عق…

فوائد صحية لعصير #الكزبرة أبرزها تنظيف الكلى

صورة
الكزبرة الخضراء من الخضراوات المفيدة التى يمكنك استخدامها لتنظيف الكليتين بطريقة صحية، وذلك من خلال شربها كعصير، ومن خلال سلسلة "صحتك فى وصفة" نقدم لك طريقة عمل عصير الكزبرة الخضراء لتنظيف الكليتين، بحسب موقع "Medi idea".
والكزبرة الخضراء لها العديد من الفوائد الصحية منها: تقليل التهاب الجلد، خفض مستويات الكوليسترول، علاج الفطريات والأكزيما، علاج الإسهال والقىء والغثيان، تنظم ضغط الدم، علاج قرحة الفم وغيرها.

المقادير:

كزبرة خضراء
ليمون
ماء
طريقة عمل عصير الكزبرة لتنظيف الكلى:
1- اغسل الكزبرة جيداً بالماء .
2- قطع الليمون وضعه فى وعاء وصب الماء عليه ثم ضع الكزبرة بعد تقطيعها، وأغلى الخليط على النار لمدة 15 دقيقة، واتركه يبرد ثم اشربه.

عشر نصايح #شعر

بسم الولي مبداي علام الاسرار الواحد اللي جملة الخلق ترجيه عشر نصايح لك نظمته بالاشعار ياللي جميل القول تسمع وتوحيه انصح بها نفسي وللغير تذكار اذكره ان كان به شي ناسيه الأولة حافظ على الدين باصرار وفرض الصلاة اليا وجب لا تخليه الدين بامر اللّه نجاتك من النار ودرب الطمأنينة ابدينك تلاقيه والثانية والدك خلك معه بار ومن يرضي الوالد رضي عنه واليه والثالثة لا يجزعك شين الاقدار حيث القد رب المخاليق يجريه والرابعة اغفر ترى الله غفار وربك يحب العفو ويحب راعيه والخامسة جارك ولو هو معك جار واجب تودّه واجب انك تراعيه والسادسة ضيفك اليا شرف الدار اطلق احجاجك له ورحّب وحيّيه والسابعة لا تجلس الا مع أخيار واحذر جليس السو احذر تخاويه لو هو ضحك سنه ترى القلب مكّار لا يخدعك وابعد عنه لا تماشيه والثامنة اياك تغضب وتنهار ترى الغضب ملزوم تندم بتاليه والتاسعة خلك حليمٍ وصبّار ويا سعد من كان الصبر خصلةٍ فيه والعاشرة وعدك ولو تخلفه عار الحر وعده دين لا بد يوفيه تمت وصلواعد ما طيرها طار على الذي لا شك ماحدٍ يماريه
منصور بن عبداللّه المجيدل

يا اهل الهوى #شعر

قطفت من بستان شعري ونقيت ابيات شعر من قراها رواها نظمتها مثل الدرر ما تأنيت وصارت قصيده تعجب اللي قراها قالوا تحب وقلت بالحيل حبيت واهل الهوى ياناس ما اكبر غثاها حبيت عذراً تجمع الزين والصيت بثوب الستر سبحان رب كساها اخفيت حبي ماشكيت وتشاكيت لكن دمع العين بين خفاها دمعي فضحني ثم بينت ما اخفيت وقلت انني متعذب في هواها ياهل الهوى ياما سهرت و تعنيت والنفس عجزت لاتحصل مناها صبرت لكني من الصبر مليت والعين من كثر البكا جف ماها حاولت ابنسى ماقدرت وتناسيت لكن مع النسيان يكبر غلاها قدام عيني كل ما اقبلت واقفيت عمري قضى واقفا وانا في رجاها صدت وانا عنها ولا يوم صديت واقفت وانا متعذب من جفاها في عيشتي من بعدها ماتهنيت لا والذي بالزين كمل حلاها ياهل الهوى وش حيلتي عقب ما ازريت ياللي عرفتم علتي وش دواها من لامني عليه بالحال رديت ما احد شكى من جمرة ما وطاها
عطالله بن سليمان العطاالله

تواضع الرجال #شعر

التواضع سمة من السمات الرفيعة في الانسان.. والرحمة صفة من اعظم ما جبل الله نفس الانسان عليه.. والكرم خصلة حميدة وخلق كريم.. والصاحب المخلص عملة نادرة.. لكنه موجود.. وهذه القصيدة محاولة متواضعة للاشارة الى هذه المعاني الكبيرة:



احد يعيش اليوم ويعش غده واحد يعيش اليوم والغد ينساه وبعض الرجال برايها مستبدة طبعه كذا ما ياخذ الا بفتواه وجسر التواضع عند قدرتك مده تواضع الرجال يسوا عطاياه وباب يجي من صوبه الشر سده ولا تاخذ الجاهل من اول خطاياه وان جا الضعيف لحاجة لاتصده الله يستر خلتك يوم تراعاه وكم من ضعيف تاقف الناس ضده لو غيره المخطي تلومه وتشناه وكم من يتيم دمعته فوق خده مع قسوة الايام تجفاه دنياه وين الرحيم اللي له يمد يده حتى عظيم العرش بالخير يجزاه وكم من فقير شدة الفقر هده الفقر في داره ينوخ مطاياه وين الكريم اللي بجوده يمده في ساعة ما هي خفية على الله واما البخيل لمثلها لا تعده ترى الردى سجية من سجاياه واليا جفاك الصاحب اللي توده دور على اسباب الجفا قبل تجفاه وان صد عنك وبان عزمه وجده اصبر عليه الين يظهر خفاياه ولو شد حبل مفارقك لا تشده حتى تعرف السر وتخوض في ماه ولو يتمادا فالجفا…

أغلى اسم #شعر

هلا باللي لها قلبي يرفرف كنه الجنحان هلا بأغلى اسم في هالزمن سمي به إنساني هلا باللي ليا طلت.. كساها من الحيا سلطان ليا منه سبقها عطرها غطرف.. وناداني من البارح وانا ابحث للقصيد اللي نبت عنوان واثر عنوانه انتي.. وانتي الموضوع والحاني يثور الشوق في قلبي من اجلك كنه البركان وازفه في بيوتي.. يم قلبك جيش فرساني اجل! لو ما انتي الشمس باصباحي تظلم الاوطان! لو ما كنتي الفرحة بقلبي.. كبرت احزاني!! مناي اني اشوفك قدم عيني يا غصين البان ولو بيدي عليك اغمض عيوني طول الازماني عليك اغار غيره.. ما بعد قرّب مداها إنسان سماها حب خالص.. وارضها عسجد ومرجاني تراني يا حياتي فيك ميت من زمان كان حياتي فيك مرهونة.. وقلبي فيك هيماني ولا يذبحني الا رمش عينك لا هوى كسلان مثل ما يهوي السيف المهند بين ضلعاني غديتي مثل جم لا شربته ردني عطشان وانا ناوي على شربه.. لو إن الغب يحداني هلا بك عد مطلاع النفل في روضة الصمان هلا بك عد ما تنبت "بجيله" غصن ريحاني
محمد بن حمدان المالكي