® رشـيـد ๏̯͡๏

. . شكيت من كثر الهواجيس والهم همنً غدى بي كود يقضي عليه كني سجينن ينتظر يوم يُعدم من دون ذنبٍ قد جناه وخطيه همه عظيم ولكن اهمومي أعظم همٍ يروح وهم يخلف خويه لين الفرج جاني على يد مُلهَم شخصاً وفي من ناس فيهم حميه شكيت له حالي وما بي من الغم وقلت له يا فلان كيف السويه قال انت مجرم قلت ما ني بمجرم بالعكس والله ما نحب الدنيه قال انت مُغرم في الهوى قلت مُغرم فعلاً احب انسان له جاذبيه ضحك وقال انصحك لا لا تتيم بعض النساء ياصاحبي مثل حيه كم من قتيل للهوى ونت تعلم (وفات قيس اسبابها العامريه) قلت النصيحه والدوا يا مُعلم خل الهوى ذكره يزيد الأسيه قال أنصحك لا تتبع خط مُظلم واسلك طريق النور خل الرديه احفظ صلاتك هي علاجك وبلسم لكل عله ظاهره أو خفيه ادي فروض الله في بيت مفعَم بالذكر والقرآن تسمع دويه في مسجدٍ مع الجماعه وتنَعم بالخير والرحمه وعيشه هنيه طبقت قوله وانجلى جو معتم وارتاح بالي واونس الروح حيه يا سامعي ادرك كلامي وافهم فحوى حديثي كان له قابليه وصلات ربي عد ما الجو غيم على نبي الله خير البريه . . #شعر// إبراهيم بن علي العسيري .

القاهرة - «الجزيرة»: البصل له فوائد عديدة؛ وقد أثبتت دراسة أجراها البروفسور Joe Schwarcz من جامعة McGill، أن من فوائد البصل ما يلي: 1 - يمتلك القدرة على امتصاص السموم. 2 - يجذب البكتيريا كالمغناطيس إليه ثم يتخلص منها. 3 - علاج للأقدام عند وضعه أسفل القدم، وارتداء جوارب لأن الرجلين على تواصل مباشر مع كل أعضاء الجسم الداخلية، وبالفعل باطن القدم مرتبطة مباشرة بالجهاز العصبي، وفيها أكثر من 7000 نهاية عصبية. 4 - يمكنه التخلص من السموم القادمة من المواد الكيميائية، التي تتعرَّض لها على مدار اليوم. 5 - يمكنه الوقاية من الأمراض الخطيرة مثل السرطان.

. . هزّني شوفه وأنا اللي هقيت أني بعيد واحسب أني لا تنحيّت عن دربه سليت ما ضعفت إلا بشوفه وأنا قبله شديد واحسب اني قد نسيته مع اللي قد نسيت حرّك اشواقٍ قديمه لها قلبٍ عنيد رجّع الماضي وأنا اللي عن الماضي غفيت فيه علّقت المشاعر وهو قلبه حديد ابتلاه الله بزينه وأنا فيه ابتليت طفل لا يدرا عواطف ولا يفهم قصيد لا ملت عينه عطايا ولا بكّاه بيت يوم مرّ بناظري ضيّع الراي السديد قمت أهوجس به وأنا اللي على فراقه قويت من يقول مفارق اللي تبي فرقاه عيد؟ من يقول إن الجفا ريح والنسيان بيت؟؟ كلما طابت جروحي لفى جرحٍ جديد وان بغيت انهض عزومي تعثرت وبكيت والله ان لي عزّةٍ تجري بدم الوريد ما أذكر أني للمقفين ناديت وعديت كم طويت آمال وآلام واستهونت غيد روّحن بايام عمري ولا كنّي دريت كم طمست بعزّتي نور خد ونور جيد ارتفع بعيون حسنا وايلا طاحت رقيت لكن اللي عجّز الفكر هالطفل الوحيد يسكن عيوني ولع كل ما قلت انتهيت إن بغيت وصال راح الوعد منّه وعيد وان غفيت بليل فرقا على وجهه صحيت أحسب أن فرقاي ناره وقربي منه عيد وأثر ما مثله كرهني ولا مثله هويت أمس كان العلم فيني ي

يا زياد اخذ النصيحه من القلب الشفيق اخذها من واحدا جرب الوقت وعرف اجتهد واطلب من الله فالحبل الوثيق من عقلها واتكل عند مولاه الخلف في سبيل العلم خلك كما الحر الطليق المطالب ما تجي بالأماني والصدف المراجل دربها صعب والشاطر يويق ما يصلها من ركن للتكاسل والترف غوص في بحر المعرفة ولو موجه غميق كتب وأفكار علماء أو مجلات وصحف أول المشوار خطوة توصلك الطريق وآخر المشوار خطوة توصلك الهدف ما رضى بالهون من كان له مجدا عريق ولا ينال المجد من كان وضعه مختلف وعيشة فيها مذله عساها في حريق من يموت بعز ما يلحق الدنيا أسف احذر الأحمق يجي لك خوي ولا رفيق والكذوب احذر تزكيه لو ان حلف لا يغرك فالصحاري سراب له بريق يخدع الضميان وليا وصل قربه يجف لا يغرك من ضحك لك تظن انه صديق الصديق اللي معك ساعة الشدة وقف رافق العاقل إذا شفت له سدا عميق وابتعد عن كل جاهل وفكرا منحرف ولا تسمع هرج نمه لمثلك ما يليق من هرج عندك هرج عنك مع ذاك الطرف والإساءة من الردي والمذمه ما تعيق اعتبرها لك شهادة فخر عز وشرف الهبايب ما تهز الجبل ناظر طويق شامخا في نجد ما له وص

. . قديم السحاب ببارق الغيث والرعاد تخيله عيوني تسعه اشهر وملنّه وقف واستدار وشاور الحال بالمعواد نصته الهبوب بطاري الماء وردنّه على طاري الغيبة وعذرٍ رجع ما فاد وش علوم جرحٍ سود الأيام زادنّه؟ على غير عاده جبت لك دمعتين جداد تبيهن يوفن العذر منك واخطنّه غريبات ممسى حالهن والمبيت بلاد رجن يقطعن الماد وازداد وامسنّه عرضهن جميلٍ ما يبي فالخطا نشاد عذلهن بصدق حاولن فيه وازرنّه وانا كان ودي دمعتين بلا ميعاد ليا تلّهن طاري غلا ما يردنّه يجنَ بكرامة من حسب للوفاء ميلاد ويفيضن ود بغيبة اللي يودنّه قديم السحاب بماضي الحظ جاء منقاد رجنَه عيوني واستخارن وخلّنه . . #شعر// هلال المطيري . .

. . تستاهلين القلب يا بنت الأجواد شرواك ترخص له قلوب كثيره أنتي ملاك زان بالحسن وازداد روعه.. وصرتي جد حاجة مثيره كلٍ عرف زينك قريبين وأبعاد زين مع العربان ماشيف غيره اقلوب تشغف فيك وعقول تنقاد تنقاد يمك في غرابه وحيره الله عطاك الزين والله اذا راد أعطى لمن يبغى مزايا كبيره يا عنق ريمٍ في الخلا دووم ما اعتاد قرب العرب دايم وهي مستذيره ويا عين حرٍ مغتذينه للأهداد سوداء.. ونظرتها خطيره.. خطيره نظرتك تسبي عقول شيّاب وأولاد فيها سحر يسبي العقول الكبيره ولك مبسمٍ ساطع كما الجمر وقاد ولون الزهر في خدةٍ مستديره ولك أشقرٍ مائل على المتن منقاد لهب نسناس الهواء يستثيره حزتي جمال الكون صدقٍ بلا عناد ولا ينلقي زيك بمليون ديره وتستاهلين القلب يا بنت الاجواد القلب لك مالك بقلبي خشيره . . #شعر مفلح بن غالب المريبيط المطيري .

. . يقول من حده زمانه على أقصاه بين خفا نفسه وباح السريره هاجوس يجيبه وهاجوس وداه ولازل هاجوس تقفاه غيره يطول ليله جالس فوق مركاه ولاهب نسناس الهبايب يثيره كله من اللي وش حياتي بلياه اللي مصيري مرتبط مع مصيره إن كان ربي كاتبٍ لي ملاقاه عقب الظما يطيب صافي غديره وإليا تردى الحظ شكواي لله ينحاس تفكيري وتعمى البصيره العمر من دون أتلع الجيد ما أبغاه والورد ويش الورد لولا عبيره فيه الوصايف كامله واحلالاه حشمه وحسن اخلاق مع طيب سيره راعي جديل كنه الليل يغشاه يلعب مع النسناس ناعم حريره والعين عين اللي تعلى بمرقاه حر يهوم النايفات العسيره يفز قلبي كل ما أسمع بطرياه فزة فرس تركي نهار المغيره ما غيره بيمه ولا هو بوياه هذا قليلٍ يا عرب من كثيره أقولها للكل مابه مداراه الثقل أميره والحسن هو أميره . . #شعر// محمد بن ناهي . . __________________

الوطن أون لاين ::: رائحة الخزامى مهدئ طبيعي يخلص من القلق والتوتر

شيء من خطاب النفس.. ومن ذكريات الماضي البعيد يا قلب خل مطارد البيض خله ما عاد لك في البيض ولف ومواليف خله لمن توّه يناظر لظله توّه شباب والضواحك مراهيف والشيء وش زينه إلى جاء محله خل المِنَشّط عنك خل التكاليف وابك الشباب اللي تصرّم ودلّه واغنم ولو بعض النظر للغطاريف وسولف وجر أشعارك المستهله اللي بعد ما طبع منها ولا شيف ولا جاك من يستاهل العلم قله أهلا هلا والشعر بالذوق والكيف ولو طال عمرك قلت يا ويش قله اكثر من الثلثين صبر وتساويف ما فيه قاع يركض فيه لله وباقي العمر ما عاد يسوى التصاريف فيما مضى لي ركضة مسفهله ويا ما رميت الحيل فوق المناسيف وفيما مضى حفت الغروس المظله وياما تقهويت وقدعت المناصيف وما فيه عدّ صافي الا وأدلّه واشرب ليا وردته مخاف الصواديف وفيما مضى بيدي رمح وسلّه واليوم ما غير العصا والسواليف خليتها كِبْرٍ وخشيه وذله وحماية عن لفح هوج العواصيف من كبر يذكر حادثاتٍ مض له بالزين وان زاد الكبر جت خذاريف والعفو ممن يملك العفو كله سبحانه اللي ما يحب التطافيف . . #شعر إبراهيم عبدالرحمن المفدى . . ________________

. . لا ذعذع الشوق تلقيني على نوده أنفض غبار الزمان وخيمة جراحي أبترك الوقت واسهاباته وكوده وأعطيك طير ورا سور الصدر ناحي متجردٍ من دروس الغدر وبنوده لا يخدعك بالهوى كثرة تبجاحي أجيك ماني حبيبٍ يفتل عهوده أجيك طفلٍ يدور لعبة أفراحي بأعصاب شيخٍ من الأيام مشدوده يخفي هموم الحياة بهول دلباحي يعطيك حبه على جوده وماجوده ولا كنهب الوقت ورده بالوفا فاحي يقبل ويدبر وسبل الصدق مسدوده وبرق السعاده على غيم النوى لاحي وإنتي خلاصة دروب العشق وجهوده وإنتي عناد الظلام ونصرة إلحاحي يا حظ نفسٍ طوال العمر مقروده ويا تسلية خاطري وحبوب مسباحي ياللي يذوب السمار بحمرة خدوده قولي لثقل الزمان يصافح مزاحي الوقت يمضي عليّ بايام معدوده أببتسم له ما دامه غيّب صياحي وكان الكرز لا تمايل وسط عنقوده وما شد ذوقي وعيني ماني بصاحي وإن كان شفتي بميل النفس منقوده من للكرز يقطفه والا لتفاحي يا ألذ واغلى عذوقٍ شالها عوده بأرقى على العود كان العذق ما طاحي ما دام ما روّحت بيضه على سوده الصبح يبقى طليب الشمس بمراحي . . #شعر// فالح الناهي . .

الى الشعر الجميل نبحر معكم: . . عزي لقلب صار همه طعامه ويقطع ظماه ليا ظما جر الاهات ما بين صحواته ولذة منامه لحظات من عصف التفاكير لحظات شي يقيد خطوته عن مقامه وشي يشرف به بروس الطويلات والموت شي ذكره في غرامه واخذ مع الماضي من الوقت سجات صياد بارع وشبكت له حمامه ونقلبت الآيه وهيهات هيهات في قصةٍ قلبي تزود احتدامه عن غايبٍ حاضر معي كل الاوقات أغضب ويمتص الغضب بابتسامه ازعل ويرضيني منه بس كلمات لا قال انا احبك فهقت العمامه افتح إزرار الثوب وانسى التنهات واجمل معاذير الصغير علامه لا جاء يتعذر صارفا النطق عثرات يخونه التعبير لحظة كلامه يشبه لشخصٍ يحتضر بس مامات قالو ثلاث الحلم يصدق منامه قالو ثلاث وزارني تسع مرات من يوم عني كف حتى سلامه حل بمحل القرب بعد المسافات يا طويق شفتك نازلٍ في تهامه من بعد خلي والمساليك وعرات ولقيت جده وسط سوق المنامه من لامني يبلى بصعب المهمات يدري عن اعلومي وانا ادري علامه يدري وانا ادري واختلفنا بوجهات ومن يجهل أخصامه يسوي حجامه ومن يتبع اللذات في عداد الاموات ومن كثر الجيات قل احترامه ومن جاء بلا داعي رضا با

الرياض : الوطن  ينصح الأطباء بتناول البنجر بانتظام، حيث أكدت نتائج دراسات علمية على أن البنجر يحفز نشاط الدماغ لاحتوائه على نسبة عالية من حمض الفوليك، الذي يلعب دورا مهما في منع تطور مرض ألزهايمر، ويحتوي البنجر أيضا على مواد نشطة أخرى، مثل الحديد الضروري لإنتاج خلايا الدم الحمراء في نخاع العظم لذلك، كما أنه يقي الجسم من فقر الدم. ويعتبر البنجر مفيدا جدا للكبد، وحسب الأطباء، عند تشحم الكبد أو إصابته بالتهابات فيروسية، يؤدي تناول البنجر إلى تنشيط عملية التمثيل الغذائي ويطيل عمر خلايا الكبد، فيما يحسن البنجر حالة القلب، حيث إن عصيره يساعد في تخفيض مستوى ضغط الدم. وتعد مادة البيتالين التي تعطيه لونه المميز، مضادا قويا للأكسدة، ولها خاصية إبطاء تطور الأورام في سرطان البروستاتا والثدي .

عمري مع العشرين خمسة عشر عام خمس وثلاثين مضت مثل ساعة وهذا العمر مهما بنا طال مادام ياسرع ما يقضي ويُطوَى اشراعه مهماتعيش وتبني ابيوت واخيام عمرك بها يوم وغرور متاعه مَاحد بقى فيها سوى رب الانام ولا احد عن امر الموت عند مناعه يا قلب لا تغريك بقعا بالاوهام والموت فيها ياخِذِك بانخداعه لا تركن لدنياك واعمل لقدام لا تنخدع لا شفت فيها وداعه ترى الغني ما هوب من حقق احلام ترى الغني من حب ربه وطاعه اليا صار بيتك حفره وثوبك الخام ابضيق اللحد حطوك عقب الوساعه في يومه الموعود والعالم ازحام يوم الحساب ويوم حصد الزراعه لا صورة تنفع ولا حلو الاجسام عند الولي ينفَعك نوع البضاعه لابوك لاخالك ولا حتى الاعمام مَاحد يفيد ولا تفيد الشجاعة اسرع تدارك ما بقالك من ايام ما دام درب الخير فاتح اذراعه احرص على دينك مع اركان الإسلام واوصيك لا تترك صلاة الجماعه فجر وظهر وعصر والمغرب، الزام ثم العشا فرض علينا اتباعه ثم الزكاة الواجبة بَعدَه اصيام والحج للي ياجد الاستطاعه والخير كل الخير في وصل الارحام لا شك ما هو في دروب القطاعه يالله ياللي

. . هذا النص يحمل كثيراً من الجزالة والحكمة : . . يجرحك منهو ما حسب للعواقيب وليا نصحته قال مالك ومالي وأصبر وفي صدري تزيد اللواهيب والله يعلم ما درى أحداً بحالي مره تساهيل ومره عواقيب رحنا لهم في الشرق قالو شمالي نشايب تجري وراها نواشيب يالله دخيلك لا يجينا زوالي لو أن كل الناس ينفع بها الطيب ما شفت كبر الفرق بين الرجالي أحداً مشاهيراً وبعض مناصيب وباقي البشر ما بين عالي ودالي لله حكمه عالم السر والغيب مقسم الارزاق باول وتالي له حكمه ومرتب الخلق ترتيب سبحانه الخالق عزيز الجلالي الطيب له ناس كرام غواليب والطيب عادة في كرام السبالي خطو الولد يرقا بعال المراقيب يرقى سنود وغايته بالمعالي وقت السعد لحظات في العمر وتغيب يفوز فيها من يحسب التوالي ترى العبر في الناس للنفس تدريب الحر يفهم يوم ياتي مجالي ربعاً تزيد مع الضيافه تراحيب ما تملكه للضيف لو كان غالي يعطونه اللي في المحاجي وفي الجيب ويقول هذي قدرتي واحتيالي الله على رزقك جعلك تسابيب باسبابها رزقك يجيلك لحالي والا الردى ما هو بيسأل عن العيب متساوياً عنده حرام وحلالي لو هو كبير وطالع

. . والله ما ادري وش يبي يرضي الناس ذي حاجةٍ دايم تدور بخيالي لي وقت افكر واضرب اخماس باسداس واشوف الاقصى قبل اشوف الموالي وقررت أوضح كلمةٍ ما بها باس ما تجرح الا مدعين الكمالي كم واحدٍ لوث ثيابه بالادناس وقضيته تهتز منها الجبالي يدري بها اللي بالمواقيف حساس اللي تعلم من دروس الليالي شوفه بعيد وعنده ادراك واحساس ولا رافق الخايب على كل حالي من رافق الخايب مرده للافلاس قلته وقالوا محتمين التوالي الرفقة اللي ما تثبت على ساس اقرب نتايجها الفنا والزوالي والصاحب اللي عشرته ترفع الراس اشري رضى نفسه لو اخسر حلالي من زود طيبه ما يجي عندي الياس أفخر واماريبه لاجا له مجالي وقت اللوازم ما لوقفاته اقياس تسعدني أفعاله ويرتاح بالي الطيب للرجال عزٍ ونبراس ولا احدٍ يحوزه غير قرم الرجالي والمرجله ما هيب حبر بقرطاس تحتاج رجل بالمواقف مثالي حتى ايش لو هي تنسب لبعض الاجناس لو انهم ناس لهم راس مالي من لا بذل ماله بطيبٍ ونوماس ما ينفعه لامات جمع الريالي . . #شعر أحمد بن سعود الحمد . .

. . . الشمس وقت غروبها ما بها حيل مالت مثل جفنٍ يغالب نعاسه غابت وطاحت دونها ستارة الليل والصبح يخلع فوق أمسه لباسه وخلت مكان للثريا ولسهيل ونجوم في الظلمة دليل وحراسه قفّت وصحت في الحناجر مواويل حطاب شعر وشوفة البدر فاسه نارٍ تشب ودله تفوح بالهيل من شمّها يختال ويميل راسه أو عاشقٍ يطوي الزمن بالتعاليل إن قام حظه عاجله بانتكاسه أو شايب تعطر مساه التراتيل والذكر يرفع بين ذا الناس ناسه أو شايلٍ هم الحمول المثاقيل دينه وفقره بين صبره وياسه أو شاكي لله من الظلم والويل والشر لو تدري ترى الظلم ساسه فغروب شمس الكون حكمه وتمثيل لغروب شمس العمر هذا قياسه لحظات نخسرها على كل تأجيل وما هي بتحتاج الذكا والفراسه ناظرتها وايامنا في المدى خيل تركض يباريها الكدر والوناسه والعسر في الدنيا وفيها التساهيل وبه للسعه كاسٍ وللضيق كاسه سبحان علام الخفا والمقابيل سبحان من فوق المخاليق باسه وسبحان ربي عد ما حدّر السيل وعداد ما طاب الجنا والغراسه . . #شعر سلطان آل منيف . .

. . إليا بدأ لي صباح شاب بين النار والنور شربت عيوني سؤال مره أحلى من جوابه بين الحقيقة وحلم تاه بين الرأي والشور وهاج صبح.. يصافحني من فتوق السحابه يوم أدرك الروح نعاي الفرح نار بلا سور لقيت مما سمعت ان الطرب صوت الربابه يا حاني القوس غنّ ولعبة الأيام بالدور الوقت يمضي مع اللّي ضاحكه واللي بكى به يطوني اليأس يا قلب على ما شاف مأجور إليا لفاه البشير من الفرح همه غدا به من حرقة اليأس هزيت الرجاء بالكف مشقور ينهض جناح الفرح ويرف لكن ما رقى به يا عونة الله تعالي ما بقى للروح مذخور وإلا انثري عبرة صارت مراجعها تشابه أقبلت وأصحابي أقفوا وكلنا منهى ومأمور واللي بقى في يديني بوح احبه وأهابه أهاب حيله وحاله لا تمادي يسبر الغور وأغليه شكوى الكريم لغايب طول غيابه هذا هوى البوح شب بين النار والنور واسقى عيوني سؤال مره أحلى من جوابه . . #شعر عبدالله بن محمد العطني . .

الرياض - "الرياض"   أفادت دراسة أميركية بأن من يقللون من تناول الكربوهيدرات قد يزيد احتمال تعرضهم للوفاة المبكرة إذا كدسوا اللحوم والأجبان في أطباقهم بدلاً من الخضر والمكسرات. ورغم أن أبحاثاً سابقة ربطت بين الأنظمة الغذائية قليلة الكربوهيدرات والنجاح في تقليل الوزن في وقت قصير، وتحسن في عوامل الخطر المؤدية إلى الوفاة المبكرة مثل داء السكري، إلا أنه لا توجد معلومات كثيرة عن النتائج طويلة الأمد لخفض الكربوهيدرات أو عن أصناف الطعام التي يجب تناولها كبديل من أجل صحة أفضل. كما ذكر الباحثون في دورية (لانست) للصحة العامة أن خطر الموت لمختلف الأسباب تراجع بالنسبة للمشاركين الذين حصلوا على ما بين 50 و55 % من سعراتهم الحرارية من الكربوهيدرات خلال فترة الدراسة مقارنة بمن تناولوا قدراً أقل بكثير أو أكبر بكثير من الكربوهيدرات.

. . دروسك يالحياة بداخلي في كل حين وحين غديت بمدرستك الطالب اللي الدرس ما فاته اجيها مثل طفل ماسك كراسة التلوين يحاول يعكس الوان البراءة في رسوماته لقيت دروسها في هالبشر تعرض منين لوين وداخل كل درس جيت اسولف عن علاماته ترى ما كل من يملك عيون وساع شوفه زين ولا اللي عنده عيون صغيره قد نظراته ولا اللي خطوته عند الملاقا ما تجي مرتين مثل من يحضنك عند الوصال بكل رغباته ولا من رافقه حزنه كئيب ودمعته بالعين مثل من يمسح دموع الفرح من فوق وجناته ولا من قابله خله بصدّ وفارقه لسنين مثل من هو على الموعد يسامر عذب خطواته ولا من عاش هالدنيا ضميره غارق بالدين مثل من يجلس ايعد الفوس بكل غلطاته ولا يذبحك غير الصاحب اللي يلعب بحبلين يهيم بقلبك الطيب ويسرق منك دقاته.! وله وجه تحلف انه من اشباهه غراب البين ويفرق عنه في ريش البياض الخادع لذاته اذا اقبل له اشراقة بياض يعزف التلحين واذا خذ حاجته اقفى سواده في مسافاته والادهى والأمرّ انك ترافق قلب ما به لين حقود يكتم بصدره حسد يحرقه نبضاته وصبرك لو تحملته قسمته داخلك صبرين ولكن لو تحملك الصبر يا كود قسماته وقف درسي ع

. . قالوا تحبه وقلت: آموت واحيابه شوفه يجيب الفرح والهم يقفيبه المترف اللي عليه النفس طلابه اشتاق له واشفق لشوفه واماريبه غض صباه وعليه اعيون جذابه يا خف دمه ويا حلوه ويا طيبه يا عاذل القلب عن حبه ترى مابه في كل هالغيد مثله يوم احلّيبه احب ضيقه واحب ارضاه واعتابه واحب ما يهتوي لو كان ماليبه واحب طاريه واحب الذي جابه واحب قاع عديل الروح يمشيبه حبه ملكني بسيف العشق وانصابه والقلب مملوك فالحب لمعازيبه ما صاب نفسي بعد فرقاه باسبابه والحب بلوى وانا يا ناس مبليبه لا واعذاب الحشا من غيبة احبابه يزيد جرحه مع الأيام تعذيبه والوجد ناره بوسط الجوف شبابه حرق خفوقي وشبت بي لواهيبه قلبي من الوجد صابه منه ما صابه والفكر مع طيفه ايصبح ويمسيبه طبيب قلبي ليا من ضاعوا اطبابه يا جعل الايام في دنياه تبطيبه مدري على الله متى بيرد واهنابه وافرح بشوفه وارحبه واهليبه قالوا تحبه وقلت: اضيع بغيابه وجريت صوتي من الآهات اغنيبه . - #شعر بندر بن سلطان العبود . .

. . الندم ما فاد من بعد العناد والخطا بعضه على بعضه يزود ومن دروس الصبر ودروس الجهاد تتعظ نفسي ويوم انسى تعود الظنون حسابها قدح الزناد جيشها ظالم ولو ماله جنود إحسني يا نفس ظنك بالعباد كل عمرٍ له ولو طول حدود ولو تبينتي الحقيقه والوكاد ما تعجلتي التجافي والصدود حتى لو نفرض يحاصرك السواد من نظر شامت ومن كلمة حسود ما يطفي نارهم تحت الرماد غير لحظات التجاهل والبرود وكل زرعٍ علته وقت الحصاد ينكشف سر المخرب والحقود وش يميزنا عن اوصاف الجماد غير قلبٍ نابض وعقل يسود نمتطي ظهر النوايا للمراد ونفزع لتحقيقه بكل الجهود لكن المكتوب يسبق في الطراد تعجز الحيله والابن آدم يحود والثواني بعمرنا مثل الجراد تاكل الأخضر وتجتاح الورود . - #شعر سلطان آل منيف . .

الدار لا كدرت صافي مشاربها ما قادني يمها شفٍ ولا راده أشوم عنها ..أخليها.. وأجنبها الذيب يبخص مصاديره وميراده العين ما تبكي إلا من سبايبها الوقت غلاب والعربان نقاده سود الليالي كثيراتٍ عجايبها تضحك عيال الخدم وتزعل الساده ياعل ربي يعدينا مصايبها عن ما جرا للعرب ماهيب نشاده أحدٍ يصدق بها.. وأحدٍ يكذبها وابن الرخم يحتفل في عيد ميلاده أعز نفسي.. وأعزيها.. وأعاتبها وكثر المجامل ترى ماهوب لي عاده إن كان نفس الولد نالت مطالبها وإلا قعد مقعد الحقران مقعاده كل الخلايق لها ربٍ يحاسبها واللي تمني كثير مناه ما فاده اللي يعمر بها واللي يخربها واللي يواعد ولا يصدق بميعاده «أرض الله الناس تسعي في مناكبها» كلٍ بفاله بمحداره ومسناده بعض الرجاجيل لو تنتف شواربها إن كان راسه يخلي الزود وعناده يمنا تقصر عن الماجوب عقبها تستاهل اللوم.. دوم الدوم..س وزياده   - #شعر// (#السامر) الأمير #عبدالعزيز_بن_سعود

. . واهني الصخرة اللي ما يحرقها سموم الزمان اللي يهد العزم ما هدّها الزمان اللي تحدا قويين العزوم لين مشّاها على ود ما هو ودها والمجامل بعض الايام ما يقضي لزوم لابو النفس الضعيفة ولابو جدها مير تجبرنا العوايد وتجبرنا السلوم نكتم الاسرار يالين تاصل حدها كل ما كبرت وضاقت على عيال الرخوم نحتزم لاعظم مصيبة وناطا خدها يا عيال آدم وحواّ تراها ما تدوم دورة الايام لابدها لابدها الردي لا طاح جعله يطيح ولا يقوم يتقدم للمهمات رجلٍ قدها وانت يا حلمٍ حلمته مهو مثل الحلوم يا ضحيّة مزح الاحلام مدري جدها يا وليد البط وشلون ما تقدر تعوم احترف في جزر الامواج والا مدها ادري ان فالناس معطي وفالناس محروم غصب عن بيض النوايا وعن مسودّها جعل قسمي عند ربي من خيار القسوم واحدٍ يعطي العطايا ولا يرتدها ويا ضميري لا يهمك من الدنيا هموم الصعيبة حلها والبسيطة عدها جات في سد الشوارب ومن فوق الخشوم كبر الضيفه وعش الضيوف وغدها والمراجل ما توفّى بضافية الهدوم كود بسيوف يشوق النواظر حدها والردي لو درّس المرجلة في كل يوم المراجل عند اهلها يزعزع ندها يعتبر قسمه مث

. . تهل العين لامني ذكرت الصاحب المملوح عليه الله واكبر كيف ما يشتاق لاحبابه حسافة ما هقيناها تعاندنا بلا مصلوح ترى صدتك يالغالي وهجرك ما رضينا به ترى ما تنفع الشكوى حبيبي ما يفيد النوح ترى صبري نفذ حده وجا للموت طلابه طبيب الجرح محبوبي وهو روحي وروح الروح تكدر خاطره مني ولا ادري بالذي صابه ترى عيني من الفرقى تهل ودمعها مسفوح على الوجنات يالغالي وهمي نوخ ركابه تريث يا حبيبي شوف خلك صاير مجروح ينادي لك بقلب وروح من سبتك منصابه تعودنا على شوفك تجينا يا الغظي وتروح نسيت أيام عشرتنا وسكرت الهوى وبابه سقى الله ليلة مرت علينا في طرب ومزوح طريح الهم ليمن شاف خله تبرد أعصابه أحب ولا علي من العذول وهرجه المشفوح هويت اللي على خله يكدر حلو مشرابه يعذبني ولا يدري بقلب بالعذاب يفوح ليا من شافني مقبل يقول عمير وش جابه انا ما ودي اتعذب واشرف دوم باللحلوح اهل الدمع في رجم الهوى واصعد بمرقابه رهين الحب في سجن المحبة يالعرب مطروح سجنه اللي سرق قلبه وعند الوالي حسابه حبيبي حس في خلٍ من آلام الهوى مجروح امله رضاك يالغالي يريد اليوم يحظى به ترى العاشق ليا حدر مداميعه غدا مفضوح عسى الله يرحم اللي لجل خله م

. . دمعة ندم سالت على خد الأوراق سالت قهر من حزني اللي خنقها يوم أنكسر جفن السهر قالت فراق غصبٍ على كل المشاعر دفقها ترسم معالم لوحة إنسان مشتاق عيون خلانه.. حياته شنقها يبكي من اللوعة صدى حر الأشواق عينه من الفرقا تمادى أرقها صبره قضى.. جسمه نحل.. خاطره ضاق أبواب حظه كل أبوها طرقها حظه عن دروب التوافيق منعاق طرد ورى ذكرى عجز مالحقها قلبه من الحسرة مع الهم منساق يحمل خطايا كلمةٍ ما نطقها يا اللي غرست بداخلي جرح الأعماق أشكيك للي نفس عبده خلقها دام المحبة تحرق العاشق احراق ياكبر حظ اللي حياتي حرقها بأسباب دمعة جرحت خد الأوراق أما ندم أو حزني اللي خنقها . - #شعر عبدالله بن غرامة الشهري . .

. . ابكتب لك قصيدة والقوافي تنتشي وتثور لجل عينك حروفي فيك دايم تاخذ الهيبه انا لو قلت ما يخفى في صدري من سهوم الجور بكت كل العيون اللي لها بالحب تغريبه ظروف الوقت ما ترحم مشاعر عاشق مكسور ولو كان الزمن يعطي انا ما بغى مواجيبه انا همي في هالدنيا حبيب ما عليه قصور سواد الحظ بعدني.. وخلاني اهذريبه اخذني ليلي الظالم مثل ما ياخذ المستور اخذني والحزن ساكن على قلبي بتعذيبه حملني والطريق اقشر لديره كنها التنور يطول الليل والتنور ما تطفي لواهيبه نويت اصد غرباله لو اغرف من عناه ابحور واشيل الفاس في وجهه عشان اقصر متاعيبه عجزت وما قدرت اصبر اقاوم حظي المعثور وسلمته رضا نفس لها بامر الهوى ريبه اوا.. ويلاه يا قلبي معنى دايم مذعور من اللي صار في حالك.. شقى.. والرب يدريبه اوا.. ويلاه يا خلي من علوم بها مجبور حنين وشوق لنفاسك.. وقلب تملكه طيبه اوا.. ويلاه يا شعري كتبتك من غلا بسطور ولو كان القلم يطلب.. ابرضى في مطاليبه امانه ارجعي.. لمي بقايا مشعل المنثور قبل ما الريح تلعبه.. ولا يكمل مكاتيبه . - #شعر مشعل الشاطري . .

. . يا الغالي الى غلاه ان طاح بالقمه اسمع كلامي وسرك في عواتقنا دامك تسمع كلام الناس والنمه عز الله انا اثنين ماترافقنا انا احسب اذنيك يامزيون منصمه عن هرجة الي شفا حاله يفرقنا يقوله اللي كثير الهرج ماهمه لو هرجة الناس يالغالي تلاحقنا وأللي يسمسر علومه مالتفت يمه دام الذعاذيع يامزيون تطرقنا الباس بالراس واصل الطيب في دمه ولاكل مشروب يارعبوب يشرقنا ماهي كسابة ضعيف رقاق جمجمه ابٍ عن الجد واصل في معامقنا اشتت الشر وانت تغير وتلمه وتصدق الناس فينا ماتصدقنا وانته اليا انضمت صحت وقلت يايمه وحنا اسود الظيم نزهب له بناقدنا نورد اللي قصر حبله عن الجمه ونقصر حبالٍ تبي كسرت بيارقنا . - #شعر شباب محمد الحربي رحمة الله . .

قلبٍ خفق من بين محني الأضلاع وعينٍ تهل دموعها من ولعها بغيت أعذل القلب لاشك ما طاع وان خايلت عيني خيال تبعها قلبٍ لها في كل الاحوال مطواع يمشي مماشيها ويتبع سنعها ترميه ببحورٍ طويلات ووساع مجنون ليلى خاضها ما قطعها ما للقدم.. والقلب.. والعين ردّاع هامن غبابٍ نوح الاول ذرعها ومنهن بليت بجادلٍ توجع اوجاع بسودٍ تعالا شان ربٍ صنعها سودٍ نظرهن يجعل القلب ينلاع ومن ما عمل هاروت سحرٍ نشعها لوجا نظرهن فوق صم الصفا ماع ولو طرفهن شاهد لرضوى صدعها يلومني من لا عرف زين الاطباع اللي شريفات المعاني جمعها الجادل اللي ذكرها بالملا شاع ومنها جميع البيض بارت سلعها لاجيتها القى لي مصيف ومرباع وقلبي عنه هاك المواجع نزعها ولو ضرّت الخفّاق ماهوب قطّاع ومهما تبي ما ذكر خفوقي منعها ولاني على ما يجرح العرض طمّاع نفسي عن الهسّه شرفها ردعها اللي مشى لك شبر.. قم وامش له باع ونفس الرخيص بسومه الرخص بعها وانا بعون الله على الكود بتّاع واطلع جبالٍ ترهق اللي طلعها والزين لو دونه رواصيد واسباع لا هايبن منها ولا اخشى فزعها وان غاب عني كل قلبي معه ضاع و

. . يا مشوحه كفي ترى خاطري ضاق كفي ترى نفسي من العام ضيقه لا تمحنين القلب بمهموم وارهاق قلبي عليه اليوم شي ما طيقه مع حنتك أونس على الكبد حراق يضرم عليها كل ساعه حريقه لا تطوحين من التوجد والاشواق الموت حق وهذي أكبر حقيقه أنت خلوج وعلتك ولف وفراق والعام الآخر لك رفيق ورفيقه مير البلا من علته وسط الأعماق ازرى يكاظمها سنين عتيقه أخذت من صبر العرب كل ما لاق لاشك من ثقلت حموله تعيقه عديت بالدنيا على درب الأرزاق بحر تلاطم ما يشيع غريقه ولقيت عند الله حسينات الأوفاق اللي عطى كفه يعم الخليقه دنياً لها كل المخاليق عشاق كم واحدٍ مع دربها نشف ريقه لو أنت تخطب ودها بجاه واصداق وتاخذ عليها صك فوق الوثيقه تالي هواها لفت الساق بالساق دنياً غرور وتختلف بالدقيقه وبجحد الخافي بشيمات وأخلاق وكل مع العالم يحدد طريقه ولاني مبينها على كل دراق اللي على النمه هروجه سبيقه . . - #شعر// مساعد بن حبيب المرزوقي .

من خفق قلبي بحبك والله اني ما نسيتك لو تشيبنا السنين ولو تفرّقنا الليالي ومن سرى عشقك بدمي والله اني ماسليتك لو نشف نزف العروق ولو طفا جمر اشتعالي كيف وانت اللي تقول بصادق احساسك فديتك لين صرت أول حبيب ولين صرت أعز غالي أول حروفي غلاك وكل بيت صار بيتك من عرفتك والقصايد نبعها صافي زلالي البدايات الخجولة علمتني من قريتك سطرت صدق المشاعر في سكوني وانفعالي حاسدي جنت جنونه يا غرامي من هويتك شب ناره في قراره واكتوى يصلاه صالي طاشت سهوم العواذل لاهجرت ولا جفيتك لو خطيت ادمَحْ خطاك وكل مُرَّكْ صار حالي ان وصفتك ما نصفتك وان بديتك ما انتهيتك وان ذكرت أدنى المحاسن قالوا الشاعر خيالي غبت عنك ويوم هزّ الشوق قلبي قلت جيتك ما تباعدت الدروب ولا جراهيد السهالي بيض الله وجه درب دلني فيك ولقيتك وجَمَّل الله حال حظي قام واعطاني منالي كم خذلني قبل أعرفك يا دوا المحروم ليتك جيتني بأول زماني كان والله طاب فالي في غيابك ضاق صدري لاَدَلهْت ولاسليتك والعرب لاضاق صدري ردَّدوا «خلك شمالي» مشهور البلوي

ياعاذل المشتاق تصبح على خير ارقد ومثلك مستريح الضميري مابيك تعطيني نصايح وتبرير من لاستشارك لاتجي له شويري لاصار ما عندك دلايل وتفسير خل الكلام وعلّم الدرس غيري لاضعت لاترسل وراي المداوير وأن مت مااحد في ذنوبي خشيري كلٍّ حسابه عند والي المقادير يسير وإلا عند ربه عسيري ماذقت لوعات البنات الغنادير نجل العيون مولعات العشيري ولاعذبنك في طوال المشاوير والليل كله ماقضيته سهيري حب الشرف مافيه عيب ومحاذير العيب فعل المنكرات الخطيري درب الهوى قبلي مشوه المناعير ماني بالاول بالهوى والاخيري اخير مني ناطحين الطوابير اللي على الجمع المقابل تغيري تشهد لهم كتب الأدب والأساطير وحنا على درب الأوايل نسيري ليا بغيت اخذ نصيحه من الغير انشد مجرب بالحياة وخبيري منوخ نادر الحميداني

شعر/ سليمان الهويدي عشقت القمر حيث القمر ينبعث به نور وأخص الليالي البيض تزها ويزهنه وأحب الهوى لاهب من خايعٍ ممطور وريح النفل حيث النفل طيب الخنه وأحب الجمالة والجمالة عمل مبرور وأحب الغنى واعز نفسي عن المنه وأحب الصراحة والصراحة بها مسرور حيث ان الصراحة تقطع الشك والظنه وأحب الكريم اللي يفرج عن المعسور الى من عطي حتى هله مادروا عنه وأحب الرجال العارفة وأكره المغرور من اغتر في بعض المظاهر يغرنه سقا الله ليالٍ ماضية قبل هدم السور نحفر العدود ونشرب الماء من الشنه نشوف البنات اللي اوردن كنهن الحور مهارٍ مشاويلن بالأعياد معتنه على الماء تشوف بيوتهن كنهن القور كثير القبايل تقطن العد بالكنه على البال ذكراها ياليت الليالي دور يا ليت الليالي ماخذنه.. يجيبنه تذكرت شيبانٍ لنا يوم حنا بزور يحثوننا بالطيب.. والفرض.. والسنه لو عاشوا حياةٍ قاسية في بحر وبرور عسى الله يعوضهم بما فات بالجنة لو دورٍ مضى من بينهم وين ذاك الدور زمانٍ مضى له ذكرياتٍ يحلنه يوم الذهب ما يلبسنه بدون خصور جمال النسا ما هو من السوق يشرنه فقدنا حياة البدو مع شو

هذه القصيدة..رسالة..في سبيل الراحة ورمي الهم..! يا صاحبي قلها على شان ترتاح الكلمة التي توجع القلب قلها قلها عسى همك مع الليل ينزاح وتفارق الضيقة وتلقى بدلها اطلق عنان السالفة سرها باح الى متى من دون صوت تختلها؟ خل الحديث لمبهم السر مفتاح سود النواعس لا تبين زعلها حاولت اصرّح لك، وانا اعرفك لماح بالصدق هذي..عن هذيك تعزلها تعبت اجدل من سهر ليلك امراح واضفي على جرد المشاعر حللها متعود صدري على شلف ورماح كم لي على شانه وانا محتملها لا غيمة تمطر ولا بارق لاح على مداهيل خفوقي نزلها ما ظن باقي بالفرح كثر ماراح الفرحة اللي تنتظر من قتلها ارم لسهر مغليك همك وترتاح والكلمة اللي توجع القلب قلها .. . #شعر عاقل الزيد رحمة الله . .

ما كل من يضحك بوجهك يحبك تضحك اوجيه أقوام وقلوبها سود كم ضاحك قدمك اليا غبت سبك لو يعجبك هرجه اليا صرت موجود ترك الردي علاج روحك وطبك وملايمه ذله وشرهه ومنقود طبع الردي وقت الشدايد يكبك مثل السحاب اللي بلا برق ورعود وخل اعتمادك واتكالك بربك واحرص على خوة هل الطيب والجود ماهو بخبل لو تلقيه لبك تلقاه دايم قاصر العرف محدود لا من بغاك بحاجة له نشب بك وليا بغيته قدمك الدرب مسدود صداقته لا صار مليان عبك وليا فضى عبك تجنبك بالكود يوعد ولا واعد بوعده كذب بك ما له مواثيق مع الناس وعهود يااللي بذرت بصبخة الارض حبك ما تدري ان المصبخة ما بها فود مجلاسك بجو هبوبه تهبك يغنيك عن مجلس به انذال وحسود مشعل بن شباب العتيبي

. . المدح في من يستحقه يجي زين يصوغ في ذكره وينقاد صوبه في كل شهم فالقسا فعله يبين مواقفه عند الرجال محسوبه مانافس اللي يكنزون الملايين يسوق ماله دون حاله جلوبه ياطالب سلم الوفا خلك يمين المرجلة ما هي بمنك محجوبه راع الوفا يرجح بكل الموازين والناس يلقونه على ما هقوبه راع الوفا مواقفه تعجب العين واللاش منها خاليات جيوبه لاحتجت والّا احترت من بين الأمرين ترى السنع لك بيّنات دروبه اذخر لحاجاتك فروخ الشياهين فعل الطيور تشوف فيه العجوبه أي الحرار الشقر واي الكراوين منهن وش اللي فالهداد اقتصوبه والطيب كايد والرجاجيل شرهين والناس ما خلوا حدٍ ما حكوبه من طاب قالوا فيه والله ونعمين ومن هان قالوا عند ذكره وكوبه والعز كنز ما يقدر بتثمين للغانمين اللي شقوا وتعبوبه والوقت يمضي والخلايق مغيرين ولا به احدٍ فيه يصفي شروبه من عاش قرن قال أنا عشت يومين يفطن بها العاقل وياخذ جروبه ان الحياة أحلام والعمر تقنين والآدامي مثل القمر وصّفوبه وأتعس حياة,, جارنا الله من الشين من طال به عمرٍ وكثرت ذنوبه يا الله عسانا سالمين معافين في

ما بقي في صفحة الماضي سطور كل حرفٍ إنكتب فيها اختفى وأجمل النسيان نسيان معذور لاعتاب يستحقه لا وفا ما عرف كيف التعالي والغرور لا ولا كيف المخاصم والجفا ما شكى همه على ما به صبور لا تكدر وقته الجاير صفا حتى وأنتي غايبه كان الحضور كل ما عنده عطاك وما كفى من يلومه لا فقد صدق الشعور والغلا نوره مع الوقت انطفى كنتي بهجة دنيتي وأرض السرور فز قلبي في قدومك واحتفى كنتي أحلامٍ مثل لون الزهور في شذاها رقة إحساس ودفا كنتي أعذب من تغاريد الطيور همستك رمشٍ على جفنه غفا كنتِ بمسرح حياتي ألف دور كنتِ أجمل من على الساحة لفا غرتك دنياك والدنيا تدور من رقا في قمة أوهامه هفا هذي قصة حب كانت في سطور جرح ماضي طال وقته ما شفى عبدالله بن سمير الحربي

تعرف عليها .... متابعة - الرياض الإلكتروني هبط هامبورج بطل أوروبا السابق من دوري الدرجة الأولى الألماني لكرة القدم لأول مرة منذ انطلاق المسابقة عام 1963 وذلك اليوم السبت. وفيما يلي قائمة بالأندية الأوروبية الكبرى التي لم يسبق لها الهبوط مطلقا منذ انطلاق مسابقات دوري الأضواء في بلادها. إيطاليا : إنتر ميلان. هولندا : أياكس أمستردام وفينوورد وايندهوفن وأوتريخت. البرتغال : بنفيكا وبورتو وسبورتنج. إسبانيا : ريال مدريد وبرشلونة وأتليتيك بيلباو . وأيضاً هذه الأندية الستة لم تهبط لدوري الدرجة الثانية منذ انطلاق الدوري الإنجليزي الممتاز عام 1992: أرسنال وتشيلسي وايفرتون وليفربول ومانشستر يونايتد وتوتنهام هوتسبير. .

بين سيف الوقت وانياب المنايا الطعون المبطية صارت جديده من نقضها حوّل الخافق شظايا كيف المّه بعد ماسيّح وريده كيف المه والحكي عكس النوايا والقلوب الميته جردا بليده خاويه مافوقها غير الحنايا من حطبها شبت الجمره وقيده مابقى للَّوم والشرهه بقايا الشعور ان مات قل لي من يعيده والضحايا كلهم نفس الضحايا الفرح.. والحلم.. والشاعر وعيده لو حبست الوجه في وسط المرايا يفضحه بوحٍ تمادى في قصيده والهنوف اللي شكت جور الرزايا سافرت واحلامها كانت بعيده حلمها فارس تمنته الصبايا يوم عانق صهوة العادي وجيده انثنى للطيب واسرج له مطايا عاشق العليا ورام العز بيده مالنا في حظها ذنب وخطايا القدر في شرعنا ساس وعقيده مشهور يوسف البلوي

متابعة - الجزيرة أونلاين تحتوى بذور دوار الشمس أو ما يعرف بالحب الشمسي على عناصر غذائية مهمة، تشمل السعرات الحرارية والأحماض الدهنية الأساسية والفيتامينات والمعادن، التى تمد الجسم بفوائد صحية عديدة، والتى ذكرها الموقع الهندى " stylecraze".وهي على النحو التالي: 1- صحة القلب: يعتبر مصدر جيد لفيتامين C، مما يساعد في الوقاية من الأمراض القلبية، كما يحتوى على مضادات للأكسدة ، فيتامين (ه)، مما يساعد فى الوقاية من ارتفاع نسبة الكوليسترول بالأوعية الدموية والإصابة بتصلب الشرايين، مما يؤدي إلى انسداد الشرايين أو النوبات القلبية أو السكتة الدماغية. 2 - الوقاية من السرطان: يحتوى على نسبة عالية من فيتامين E والسيلينيوم والنحاس والتي لها خصائص مضادة للأكسدة، مما يساعد فى الوقاية من الإصابة بالسرطان. 3 - تقوية العظام: غني بالمغنيسيوم، الذى يعتبر ضروري، لتقوية العظام بجانب الكالسيوم، بالإضافة إلى احتوائها على فيتامين (ه)، الذى يساعد فى الحد من أعراض التهاب المفاصل. 4 - الوقاية من الربو: يساعد على الوقاية من الإصابة بالربو والأعراض الأخرى، مثل البرد

هاجرت يامعاوين الدهر وهجرت ورحلت وانفجار الصمت يوم الرحيل آه ياليتها قبل الرحيل صبرت لين تاخذ على يدها وصاة القتيل ليتها قبل ترحل عاهدت ونذرت للقا لو تقفاه الزمان الطويل ليتها حاولت لو انها ماقدرت لاجل اقول ان هذا ظرف ماله بديل لكن المشكلة في بالها ماطرت كلمة تجبر الخاطر وتبرد غليل يوم حل السفر حان القدر وغدرت والنسا مابهن من صافي الا القليل فارقتني بصمت وكنها مادرت عن جروح دواهن بعدها مستحيل قدر الله مقادير الزمان وجرت اني اصير من عقب السعادة عليل المشاعر حزينه والعيون سهرت والوطن في عيوني كل مافيه ليل تظهر الشمس لكن وش بعد لا ظهرت ماتنور دروب اللي بليا دليل يانجوم تقفاها النسيم وسرت دوري لي على دار السعاده سبيل ضايق البال سند دمعته وحدرت مثل سيل من العالي نزل للمسيل عبرة كل ماحل الظلام عبرت شايل همها مع جور وقت هميل حالتي عقبها من سقمها مابرت مير انا طالبك يالله صبر جميل     جوهر غالب الحربي - الكويت

حي صوت كل ما غاب عني له عنيت شلت همه فوق همي وغاب وجيت له كل ما أبغى أعاتبه زادني شوق ونسيت واعتذرت من الخطأ بعد ما حييت له ان تدلل جيت له.. وان تمادى عناد جيت لعنبو حيه ذبحني وأنا.. حنيت له كنت أسولف بينهم وأحسب أني به حكيت وانشدوني قلت: نادى وأنا.. لبيت له جاملوني! وانتبهت وعرفت إني سهيت مع خيال كل ما مرني.. فزيت له زارني طيفه وهمت وبديته وانتهيت وهزني واستغربوا.. كيف لو سميت له؟ كل ما سج الخيال ورحل يمه.. نويت أتبعه.. لو مصدر الجرح من سجيت له غايب حاضر على البال كأنك ما دريت يا خيال كل ما زارني.. غنيت له والله إني في دلال الغلا مت وحييت معك أمانة قلي القلب وش سويت له تدري أن النبرة اللي بها أخذت وعطيت ما تفارق هاجس البال من خاويت له انت صوت كل ما غاب عني له عنيت شلت حتفي فوق كتفي وغاب وجيت له مساعد عقيل

ولا تُذكر الأنفة، أو الإباء، عند العرب قبل الإسلام، إلّا ويُذكر معها عمرو بن كلثوم (؟- 584م أي حوالي 39 ق. ه)، سيد قبيلة تغلب، فقد كان من أعزِّ الناس نفساً، فلم يكن ليتحمل أن تُهان أمه، ولو كانت هذه الإهانة من أم ملك، لا يقل عنه ملكاً وعزاً، بل قد يبزّه في الملك والعزة، وفي رحاب ملكه وداخل قصره، وهو ملك الحيرة عمرو بن هند (554م-569م). فتذكر الروايات أن أم عمرو بن هند تفاخرت يوماً في حضور جليسات لها، بأنها أشرف نساء العرب، فهي بنت ملوك الحيرة، وزوجة ملك وأم ملك، فقالت إحدى جليساتها، والتي لم يخذلها لسانها في مثل هذه المواقف فلم تمرر مقولتها دون أن تعقِّب: «ليلى بنت المهلهل أشرف منك»، وأخدت تعدد مواطن الشرف والعزة للسيدة ليلى بنت المهلهل، مردفةً: «فعمها الملك كليب، وأبوها الزير سالم المهلهل سادة العرب، وزوجها كلثوم بن مالك أفرس العرب، وولدها عمرو بن كلثوم سيد قومه». فاعتمل كيد النساء في رأس أم عمرو بن هند، فأجابتها: « لأجعلنها خادمةً لي»، وأحاكت خدعة لإيقاع، تلك التي تبزُّها عزاً وشرفاً، في المذلة والإهانة. فطلبت من ابنها عمرو بن هند أن يدعو عمرو بن كلثوم وأمه لزيارتهم

مدريد - رويترز تألق الثنائي ليونيل ميسي وأندريس إنيستا ليفوز برشلونة بسهولة 5-صفر على أشبيلية ويحرز لقب كأس ملك إسبانيا لكرة القدم للمرة الرابعة على التوالي اليوم السبت. وسجل لويس سواريز هدفين في الشوط الأول ليتوج برشلونة باللقب للمرة 30، وهو رقم قياسي، لكن لحظة الإبداع جاءت بواسطة إنيستا وميسي في الشوط الثاني ليتعرض أشبيلية لهزيمة ثقيلة. وصنع فيليب كوتينيو الهدف الأول لسواريز في الدقيقة 14 وسيطر برشلونة على باقي دقائق اللقاء وبات على أعتاب الجمع بين الثنائية المحلية الدوري والكأس. وأحرز ميسي الهدف الثاني بعد تمريرة من جوردي ألبا ثم أضاف سواريز هدفا قبل أن يتبادل إنيستا الكرة مع ميسي ويسجل هدفا رائعا بعد انفراد بالمرمى. واختتم كوتينيو مهرجان الأهداف من ركلة جزاء.

الليل طرف والسهر بين الاحداق والصبح حلم البارحة ما ضوابه ليل السهر يا معذبي تو,, ما فاق من,, سكرته,, من,, غفلته من عذابه ما دام حتى احلامنا البيض تنعاق عنا,, وش اللي,, عاد باقي نهابه لم الورق لا ينكشف سر الأوراق ما تشبع الاوراق جوع الكتابة ولا تبرد الونة لهب حر الاشواق لا (ون) مجروح النوى,, زاد مابه ولا ينفع الولهان ترديد مشتاق ان ما شرب صافي زلال وروابه عذر الندم ما يشرح الصدر لا ضاق كم يجرح العزف الحزين الربابة لاجرها المحزون من حر ما ذاق تصرم قلوب,, وتفتق هضابه وانا ادري انك مرهف احساس واخلاق مر الهوى قلبك وهجيت بابه اللي قريته كفنه وسط الاعماق خل السؤال يموت,, موته,, إجابة يا اطهر وصال نهايته كانت افراق طهر الوصال اللي بداه,, انتها به الصبر مر وبعض الاحيان ينذاق كم علقم كان الشفاء من شرابه اصبر وخل,, الحل,, بيدين خلاق الله كريم ولا يخيب الرجابه والبعد موجع والسفر هم وارهاق واللي يحبك درب وصلك مشابه الله وامانه,, كل ما ناض براق ضميت طيفك والخفوق احتفابه وسقت المشاعر والغلا جاك منساق مثل القراح العذب,, مثل (السح

رفيقي لازهمني ماتعذر منه لو انه بعيد الدار ياصله القدم واللي يبيه يصير رفيقي مادخله الشك فيني واتعبه ظنه احنه من صواديف الليالي واذكره بالخير له انه لادعاني ماتمنن لعنبو المنه اقول آمر على حالي ومالي وادمح التقصير عيوني لو يبي حتى عيوني جعلها افدنه وجعل يمنى ترده لابغاها تشكي التجبير له ان وجهي معه ماينقلب بالبرد والكنه متى ماحتاج لي يامر علي واتي بلا تأخير مع الطيب باطيب وشرعنا التوحيد والسنه مادام ان الردي عيشته بالدنيا بلا تأثير دهتني ونه لابارك الله فيك من ونه بغت تقضي علي من وقعها يوم الثلوث عصير تذكرت الرفيق اللي يبي فرقاي واحنه دعت فيه الليالي في زمان الدش والتشفير عسى الله مايواخذه بخطاه ويرحمه لانه كريم في عطاه ولايعرف الشح والتقدير على رغم المآسي والذي سواه احس انه يقدرني وانا اعزه وله في داخلي تقدير له انه لاتوفى يبشر بقوله عسى الجنه محله وان تركه الله يعيش فما مضى في بير وله انه لابغاني ماتعذر منه لو انه بعيد الدار ياصله القدم واللي يصير يصير راجح بن دايل المشعلي

كف العتب عاقل الزيد ما للعتب منك أنت يمي معابر ومالك,, معي,, حلف,, ويمين وملازيم كف العتب ما كل,, ما,, مر,, عابر بعض الكلام يحطم الصدر,, تحطيم والله ما أقبل لو تضج المنابر بالزيف,, يوم الزيف,, للصدق,, تحجيم أنا على خبرك مثل ما أنت خابر ارفض شعور,, اللوم,, والظلم,, والضيم لا صرت,, لا مخطي,, ولاني,, مكابر ولا هفيت حق,, ولا جهلت المفاهيم لكن بلايه,, وجه الأيام غابر والمقبلات من الاماني معاتيم شفني قضى عمري على المر,, صابر ما لاح برق,, ولا لمح ناظري غيم اشوف رحبات المنازل مقابر وبيض النوايا في عيونك مجاهيم ما كل كسر له مع الوقت جابر بعض الكسور تصير عاهات وتديم فرق المناظر,, عن جميل المخابر مثل الثرى الممطور عن فاقد الديم لا بارك,, الله بالشعر,, يالمحابر إن ما عزف لأوجاع غيري تقاسيم وشد انتباه الأغنياء والأكابر قبل الفقير,, أبو,, اليتاما المظاليم كف العتب ما كل ما,, مر,, عابر بعض الكلام يحطم الصدر تحطيم

ول ياهم علي قلبي ضوى مسرحه فكري وفي قلبي ضواه ول ياجرح سطا ماله دوى حير الدكتور في قصه دواه قالها اللي دون حول ولا قوى ولا شعر بالجمر كود اللي وطاه كان قيل القلب هو اللي هوى اشهد انه عذبه شخص هواه عذبه من هو سبى الحال وشوى شايف حالي وراضي بالسواه يعلم الله كل ماذيب عوى لج له قلبي وجاوب له عواه صرت انا جندي وهو كنه لوى قام يلعب بي على اللي هو هواه بعدها في بعد نجم ماهوى وقربها في قرب تمرة من نواه مرن العامين مدري وش نوى جاتني كلمة ولا ادري وش وراه هي لها مقصود او فيها غوى او من طول المدى يمكن نساه عواد عبدالله الحنيني

الرياض: الوطن   طرحت شركة سوني مؤخرا هاتف «Xperia XZ2» بمواصفات تجعله واحدا من أفضل هواتفها، ويتوقع لهذا الهاتف أن يلقى رواجا واسعا لخصائصه الفنية والتقنية، من أهمها، معالج ثماني النوى، وهيكل مقاوم للماء والغبار، ومعالج رسوميات Adreno 630، وذاكرة داخلية 64 جيجابايت قابلة للتوسيع باستخدام بطاقات ذاكرة خارجية، إضافة إلى ذاكرة وصول عشوائي 4 جيجابايت، وشاشة عالية الأداء بمقاس 5.7 بوصات، ودقة عرض       ( 2160 * 1080 )وأبعاد «18:9» محمية بزجاج «Corning Gorilla Glass 5»، ويحتوي على كاميرا أساسية بدقة 19 ميجابيكسل قادرة على تصوير فيدوهات بدقة 4K، إضافة إلى كاميرا أمامية بدقة 5 ميجابيكسل وفتحة عدسة «f/‏‏2.2»، كما يتكون الجهاز من منفذين لبطاقات الاتصال (nanoSIM (4FF يمكن استعمال أحدهما لبطاقة الذاكرة الخارجية، ومنفذ USB Type-C. وجاءت سعة البطارية 3180 ميللي أمبير بتقنية الشحن السريع «Quick Charge 3.0» وخاصية الشحن اللاسلكي، بأبعاد « 153 * 72 * 11.1 »  ملم، بوزن 198