النوايا صافيه #شعر

.


الله ياوقت(ن) مضى فيه النوايا صافيه

والناس تنعم بالوفا من فضل علاّم(ن) رحيم

اهله على العز احضرو والخير شمسه ضافيه

وقفاتهم فزعاتهم تراعي دموع اليتيم

والكل اسره واحده وانفوسهم متكايفه

والحي اهله تجتمع لامن رجال ولاحريم

واليوم غيّر امسنا والناس بعضه جافيه

والفرق واضح بالبشر هالحين والوقت القديم

والخير باقي لايزل له نار ماهي طافيه

لو قل عادي بالزمن فيه الردي وايضا كريم

من اول اذكر ديرتي فيها الشياب الوافيه

ماتوا وغابوا عننا يالله عساهم في نعيم

واللي بقى شيخ ٍ عثر قليل شوف وعافيه

مر بشقى مر ابغثى ماخالف الدرب القويم

قلوبهم لا ما احقدت وانفوسهم متصافيه

مهما حصل ايّت خلاف انحل والخاطر سليم

عاشوا على مبدا الوفا والشر عينه غافيه

بالوقت الأول يابشر ياقل مـ تشوف اللئيم

المال قل بوقتهم والناس تمشي حافيه

لكن على قول المثل العقل بالجسم السليم

-

#شعر -  #عبدالكريم_ابن_خزيّم

.

تعليقات

المشاركات الشائعة من هذه المدونة

بنت الاجواد #شعر

العود الأزرق والعبير لـ بن جدلان

قوى العزوم #شعر