سهوم الجور #شعر
.
.
ابكتب لك قصيدة والقوافي تنتشي وتثور
لجل عينك حروفي فيك دايم تاخذ الهيبه
انا لو قلت ما يخفى في صدري من سهوم الجور
بكت كل العيون اللي لها بالحب تغريبه
ظروف الوقت ما ترحم مشاعر عاشق مكسور
ولو كان الزمن يعطي انا ما بغى مواجيبه
انا همي في هالدنيا حبيب ما عليه قصور
سواد الحظ بعدني.. وخلاني اهذريبه
اخذني ليلي الظالم مثل ما ياخذ المستور
اخذني والحزن ساكن على قلبي بتعذيبه
حملني والطريق اقشر لديره كنها التنور
يطول الليل والتنور ما تطفي لواهيبه
نويت اصد غرباله لو اغرف من عناه ابحور
واشيل الفاس في وجهه عشان اقصر متاعيبه
عجزت وما قدرت اصبر اقاوم حظي المعثور
وسلمته رضا نفس لها بامر الهوى ريبه
اوا.. ويلاه يا قلبي معنى دايم مذعور
من اللي صار في حالك.. شقى.. والرب يدريبه
اوا.. ويلاه يا خلي من علوم بها مجبور
حنين وشوق لنفاسك.. وقلب تملكه طيبه
اوا.. ويلاه يا شعري كتبتك من غلا بسطور
ولو كان القلم يطلب.. ابرضى في مطاليبه
امانه ارجعي.. لمي بقايا مشعل المنثور
قبل ما الريح تلعبه.. ولا يكمل مكاتيبه
.
-
#شعر
مشعل الشاطري
.
.
تعليقات