جمرتْك حلمٍ يضيق الشعر عن شرحه


أحمد بن سارح

.......
 
    
ياضيق بال العزوم وياكبر جرحه
اليا انحرم حاجته من قبل يدركها
خناجر العز عند الباب منطرحه
والنفس ملّت من مجابه معاركها
فرعون ماوصّله باب السما صرحه
واوهامه اعمت عيونه عن مداركها
ياكبدي اللي من الايام منقرحه
وكفوف الاوجاع بين الناس تفركها
عودت من فرصتي والجنه البرحه
انفض عن الراحله زادي وابركها
اليوم وجه السنين ونفسي المرحه
لو يرقص الكون كله مايحركها
الا انت ي اللي عليك الشال والطرحه
عيّت على نسمة الغربي تشاركها
ضاع الحساب الكبير بجمعه وطرحه
واللحظه اللي معك ربي يباركها
ايه اضحك بوجهك المخلوق للفرحه
في وجه حزني دخيلك لاتداركها
جمرتْك حلمٍ يضيق الشعر عن شرحه
لو كنت ضحكه قسم بالله ما اتركها
.

تعليقات

المشاركات الشائعة من هذه المدونة

بنت الاجواد #شعر

العود الأزرق والعبير لـ بن جدلان

قوى العزوم #شعر