جروح القلب
لو لاي أوسّع خاطري بالسواليف
وأذكار ربعٍ يبهجون السريره
وأدهن عروقي في أشويٍ من الكيف
فنجال ينعشني ابزاكي عبيره
لاضيع كني مركب ألفاسيف
والربح تلعب به على غير سيره
لاشك يا سليمان لا حافني طيف
من يمهم تظلم عليّ الظهيره
ويصير في صدري اسوات الحراشيف
عبايرٍ بين المحاني كسيره
على العيون الدعج خمص السراجيف
جلساتهم لو طال وقته قصيره
تبري جروح القلب لوهي مكاليف
واتزيح خم اللي همومه كثيره
.
محمد إبراهيم البطي
.
تعليقات