الله كريم اليا الردي صك بابه
.
دنيا ضماها موت واهوالها اهوال
فيها غموض وفي عملها غرابه
ماتثبت وميزانها فيه تموال
تعطي زلال وشاربه مهتنى به
ولاتنطروعودٍ تكرر وتنقال
تموت وانت اذنك تسمع هالربابه
اسمع بمناكبها على اقفاي واقبال
الله كريم اليا الردي صك بابه
وبيت الردي لو زاد ماله بظلاله
لاصار بحضوره يساوي غيابه
ماينفع اللي ميبسٍ حلق اللال
لوكان بين الما وبينه تشابه
خاو الرجال اللي لهم صيت وافعال
تصير ذيب ليا لقيت الذيابه
والبوم مايرفع مقامه الاموال
يظل بوم بين ومسكنه بالخرابه
ياصاحبي خذ مني العلم قل قال
جمله وفيها في عيوني ذرابه
مادامها منة على كل الاحوال
منة غريب ولا جمالة قرابه
تعليقات