الفرص .. !!

.



الفرص .. !!
..........
سعد المسعودي
...
..
.



الصبر موته لاخنق دمعة الموق

والحق حطب جمره وشب الحرايق

الشوق لهفه والبلا حرقة الشوق

لون الحمار اللي غدى له فتايق

للروح قوت .. ولأصبح القوت مسروق

مال الفرص فالعمر لأقفى توايق

باح الكنين وساتر الثوب مفتوق

لوصد ذبحه من قفاء بالدرايق

أقفت وعانقها من الصدر معلوق

وأدنت بروح ٍ جرحتها الغلايق

قامت عيوني تزعج الدمع وتسوق

لون السماء من موقها الدمع سايق

حزني على بعد المحبين موثوق

من بعدهم وأحزان قلبي خلايق

ماعاد أطيق الحمل والحمل مطبوق

يضيق به صدري وللكون ضايق

مل الصبر فرقاك والبعد ياشوق

ماني على أبعادك حياتي بطايق

أغيب مع طيفك ليامر وأفوق

أغيب بالساعات وأصحى دقايق

أعتق خليلك لاتسبب له العوق

ماطاقته دنيا ولاهوب رايق

ماني على أفراقك والأحزان مخلوق

حاول على جمعي بشتى الطرايق

لد وتبصر وأذكر إن مات معشوق

أحرق بروحك مابقي من وثايق

يليق لك صرح ٍ بنيته ومرموق

تحير بك لاصرت من فوق وايق


.