® رشـيـد ๏̯͡๏

. في ظلام الصمت خبيت الجراح قلت نامي في الظلام بدون صوت نومة اهل الكهف ماحولك صباح لاتخافي مابقى شيٍ يفوت واستراح القلب ما ادري ما استراح يوم غطتها بيوت العنكبوت من نشدني قلت له مالك صلاح خلني ساكت ويازين السكوت وش يفيد الهرج واللي راح راح حلم في غبة بحر في بطن حوت كم ندبت الحظ يوم الحظ طاح بعدما ضاعت مفاتيح البخوت واقتنعت إني لحالي في البراح وإن هذا هو نصيبي لين اموت ماصحيت إلا على صوت الرياح هزت البيبان واركان البيوت والسحابة في السماء والبرق لاح قلت دعوة واستجيبت في قنوت واستهلت وامطرت عذبٍ قراح ينبت الأوراق في غصن محتوت انتبهت وقلت يادنيا سماح في القضايا كلها رغم الثبوت كل جرحٍ فاق من نومه وصاح بعدما زالت بيوت العنكبوت - #شعر ---------- عبد الله الطلحي @talhi_abdullah .

السلام عليكم ورحمة الله وبركاته للمطر والسحاب أسماء ومصطلحات كثيرة عند العرب وربما تختلف هذه الأسماء والمصطلحات بين منطقة وأخرى في البلاد العربية بشكل عام وقد تشترك في بعض المصطلحات، نذكر منها بعض الأسماء والمصطلحات الأكثر شهرة : (الرّذاذ): هو قطرات المطر الصغيرة جداً وتأتي من تكاثف الضباب في طبقات الجو القريبة من الأرض. (الطل): هو ما يتجمع فوق الأسطح الصلبة وأوراق الأشجار خاصةً في الليل وعند ساعات الصباح الأولى. (الرّش ): هو المطر الخفيف ويطلق كذلك على بداية المطر قبل أن يصبح وابلا أو بعد أن يخف الوابل. (الدّيم والهتان): المطر المستمر لساعات وأيام دون برق ولا رعد. (الغيث): هو المطر الذي يأتي بعد طول انقطاع أو جفاف. (الودق أو الثعول أو الهماليل): المطر النازل من السحب على شكل خطوط متصلة بالأرض تشبه أشعة الشمس المنكسرة بين الغيوم. (الوليّ): المطر الذي يأتي بعد مطر سابق. (الوابل): المطر الشديد. (المطر الجارح ): هو الذي يغير ملامح الأرض ويجرف التربة. (ضيق ماء): البرد الصغير. (السحاب الحقُوق): السحب كثيرة المطر، كثيرة البرق، بطيئة الحركة. (الش...

. ما يجزع المخلوق والوقت شده وش فيك يا بندر وانا خوك محشوم لا ما سعى الرجال محد يعده بين العرب رجال يا خوك لو يوم وان ما حصل بالوقت جزره ومده ما صار ممدوحٍ ولا صار مذموم مرة يشد الوقت ومرة نشده ومرات يهزمنا ومرات مهزوم والله يوفق والتوافيق عنده والرزق من عند المخاليق معدوم لا ما عطى الوهاب من مد يده تقصر وربك لا عطى الخير مقسوم ياخوي كانك تذرف الدمع رده دمعك خطا والدمع في طيحته لوم تصفا لك الدنيا من الوقت مده ومن بعدها ياخوك ترقى بها غيوم غيمٍ بخيل وغيم عينك توده وغيم يا عله ما لفى اليوم والدوم كم عاليٍ من وقت سالف ترده وكم شي من لا شي تزهى به القوم بندر ترى ياخوك هالوقت وحده مايصنع ارجالٍ ولا يبدع سلوم - #شعر خلف حمود الخطيمي الخالدي - الكويت - أكاديمي كويتي وعضو رابطة الأدباء الكويتيين. @khalafalkhaldi .

. الجهاز اللي ماعنده ملمشاعر ثقل ذرة والله انه خير من بعض الاوادم في وصاله صاحبك يقطع وصاله عنك ويزيد المضرة وهو صدق يومه يبين حالته عند اتصاله يالعذاب اللي له اعوامٍ على صدري مقره واستقر بذات روحي كن انا ملكه لحاله ما استحت لحزان مني كل مرة كل مرة تستبيح الصبر وتضيق على صبري مجاله يوم حتى الدّ من عاداني ارفق به وابره واتحمل شيٍ اطلق كفو ماطاق احتماله ليه مالي حظ في دنيا السعادة والمسرة يالزمان اللي تناقض فيه مفهوم العداله والله اني بالوفا وشموخ ذاتي مستمرة لو طريق الحلم تتقطع تحت رجلي حباله واشهد إنه لوتعثر هالزمن لآخر مجرة مايغير طبع نور ولايشوه من جماله - نور الوليدي .

الا يا رفيقي لا تلفّت على الأنجاس ليا صرت من قومٍ بعيده مداركها من يطرد هروج الخلق محصوله الإفلاس يعوِّد من الخيبه كفوفه يفرِّكها واصحاب الردى لا صار ما تقدر النوماس على أهل الوفاء عوج الحقايق تفبركها تروِّج علومٍ ضايعه مالها مقياس وتلقى خبولٍ بالمجالس تشاركها وقوي العزايم ما يهمِّه كلام الناس يسوقه طموحه لغايته لين يدركها ليا صار له شوحٍ بعيدٍ وطيّب راس زمول الهقاوي للفشل ما يبرّكها يداهم على الدنيا بعزمٍ وقوة باس ويجابه ضروفه ويتصدّى معاركها صحيح الهبوب تهب وتطيِّر القرطاس لا شك الجبال الراسيه ما تحرّكها - خليل بن هدلان .

. انا تل قلبي تل هوى البال في المشتل ابو مبسم ٍ يقتل وعيون قتّاله لقيت الخطَر كله بعينه على حله سيوف الهوى سله وتسعين خياله انا ويش مصلوحي خطير ٍ على روحي والقلب ما يوحي ولا طاع عذاله مرض خاطري ودواه مثله وفي شرواه انا خاطري يهواه وهو خاطره داله به العين مفتونه ولا اقوى العزى دونه أحجاه مقرونه.هني من تهيّا له انا عقب ماشفته على طول والفته له القلب كلفته. اراعيه وابرى له قتيل العيون السود مايلحقه منقود من اقفى نعيم العود وانا حالتي حاله ملكني هوى الغالي عقب عرفنا التالي هو اللي على بالي وانا اللي على باله قلوب المحبيني سوات الموازيني وانا الدمع من عيني على الخد نزاله - #شعر (أحمد الناصر الشايع) رحمة الله .

شعر: د. عبدالعزيز محيي الدين خوجة يـــا أَنـــــتِ والأَلْــــحــــانُ والْــــقَــمَــرُ كـــيــفَ التَوَحُّــــدُ تَــــمَّ والْخَـــطَـــــــرُ حُـــــلْــــمُ الْـــفَراشَـــةِ ظَــــلَّ يَسْكُنُنــــا والْــجَمْــــرُ فـــي الأَضْـــلاعِ يَسْتـــَعِــرُ رَقَــصَــــتْ مــعَ الأَكْــــوانِ أَوْرِدتـــــي والْخـــافِـــقُ الْوَلْـــهــانُ لِــــي وَتـــــــَرُ وسَـــــــرَتْ مَـــعَ الأَنْســـامِ بَسْـــمَتُهـــا فــــيـــها تَــجَــلَّــى الْحُـــبُّ والْـــــقَـــدَرُ وتــَلَـبَّــســـَتْــني رِعْــشَـــةٌ عَـصَـفـَــتْ نِـــيــــرانُـــهــا والْبـــَرْقُ والْمَـــــطَــــرُ صِـــرتُ الْقَصـــيدَةَ والْهَـــوى طَـــرِبٌ والشِّـــعـــرُ يَـــعْــصِــرُنــي ويــُعْـتَصـَرُ صِـــرتِ الــــرُّؤَى، والْكَـــوْنَ أَجْمَـعَـهُ والْحُــسْــنُ فــي عَـيـْنـَيْـــكِ يُــخْـتَصــَرُ مَـــا الشّعـرُ؟ مَا الْـكَـلِمـاتُ؟ ما نَغَمــي؟ قَــلْبـــي لَهــا الــعُــنــوانُ والخَـــبَــــرُ قُــــمْ سَـــبّــــِحِ الــخَـــلاّقَ أَبْــدَعَـــها فِــــي عَـيـْنِــها مِــنْ وَحْيِـــهِ صُـــوَرُ جَــ...

هيه يا أروع من الأحلام واجمل من غزال من نهار الحب أنا ليلي مثل عودك طويل يا جميل جنن العشاق من فرط الجمال صدّق ان لي قلب مثل الورد حسّاس وجميل آه يا جامع من الدنيا جميلات الخصال آه يا ماخذ شموخ العز من طبع النخيل أفرح أنك ما وصلت بزينك حدود الكمال وازعل اني ما أقدر أملك منك ما يشفي الغليل أدري اني شاغلٍ فكرك على أقل احتمال وتدري اني صرت من حبك مثل خصرك نحيل وقَد ما قرّبت انا لقلبك احس انك محال وقَد ما قرّبت لعوني احس انك بخيل كل ضحكة تنحدر كالثلج من ثغرك دلال وكل دمعة تنجدر كالجمر من عيني دليل يبتسم لي واحلف أنك لي واضمك بالخيال وكل نقطة دم بعروقي تقول انك خليل بس أنا محير حياتي يا بعد عمري سؤال ليه أحس أنك رغم هذا التواضع مستحيل -  أسعد إبراهيم الروابة

كانت الزوجة تعمل بيض مقلي لزوجها فجأة دخل زوجها المطبخ انتبهي .... انتبهي .. حطي زيادة شوية زبدة .. يا ربي انت تقلين اكثر من وحدة في نفس الوقت ... هذا كثير ... اقلبيهم اقلبيهم الحين نحتاج زبدة اكثر ... يا ربي من وين راح نجيب زبدة زيادة؟؟ صار البيض يابس .. انتبهي انتبهي ... قلت انتبهي انت دائما ما تسمعين كلامي لما تطبخين ابداً ... اقلبيهم بسرعة... يالله بسرعة ... ماتشوفين؟؟ صاير لعقلك شي؟؟ لا تنسين تحطين ملح انت تدرين انك دائما تنسين تحطين ملح... استخدمي الملح ... ياربي استخدمي الملح... الملح الزوجة بكل دهشة واستغراب واستعجاب واستفهام تنظر لتصرف زوجها قالت له: خير ان شاء الله صاير لك شي؟؟ وش عندك؟؟ تراه بيض مقلي قالوا لك ما اعرف اسويهـ؟؟؟ رد عليها الزوج بكل هدوء كنت ابغاك تعرفين وش شعوري وانا اسوق السيارة وانتي تبربرين على راسي

. النفس طابت واستعدّت للرحيل أمسح عناويني وروحي خلّها فرقاك عيد ولا تظنه مستحيل واللِّي عقد روس الحبال يحلها أبعد بعيد هناك لو دمعك يسيل ما همني ، لو الدموع اتهلّها أنا عزيز النفس... ماني بالذليل ماني مثل غيري حياته ذلّها أنا الجدي وسهيل والسيف الصقيل والأشرعة مركب شموخي فلّها بُعدك دواء ومواصلك جمرٍ كليل وطاريك ، يقتل فرحتي ويعلّها وقتي معك ضايع بلا فود وحصيل أنسى الغصون اللّي تفيّا ظلّها يكفي كفى قلبي من أسبابك عليل مشاعري ، ماكنت أبد تفطن لها أقفت ضعوني عن صحاريّك تشيل ظمأ السنين الممحلة واتلّها روحي تظنّك يا سراب السلسبيل يالله عسى غر المزون اتبلّها لا تاخذ وتعطي معي شف لك بديل من مثلك لروحي ما هو بكفوٍ لها أنا على وضح النقاء وأكبر دليل وثقت بك وأنت السيوف اتسلّها لا لا تبرر لي أو تحاول تطيل معي سواليفك خفوقي ملّها كنت السراج لِـ ليلك وقلبي فتيل إنور لك دروبك عشان اتدلّها واضح وضوح الشمس والموقف أصيل أفوّح دلال الوفاء وازلّها واللِّي مثل شرواك ناكر للجميل يا للأسف.. نسى المواقف كلّها رح في طريقك ما بقى عمرٍ طويل واللي عقد روس الح...