أحس إنك بخيل #شعر
هيه يا أروع من الأحلام واجمل من غزال
من نهار الحب أنا ليلي مثل عودك طويل
يا جميل جنن العشاق من فرط الجمال
صدّق ان لي قلب مثل الورد حسّاس وجميل
آه يا جامع من الدنيا جميلات الخصال
آه يا ماخذ شموخ العز من طبع النخيل
أفرح أنك ما وصلت بزينك حدود الكمال
وازعل اني ما أقدر أملك منك ما يشفي الغليل
أدري اني شاغلٍ فكرك على أقل احتمال
وتدري اني صرت من حبك مثل خصرك نحيل
وقَد ما قرّبت انا لقلبك احس انك محال
وقَد ما قرّبت لعوني احس انك بخيل
كل ضحكة تنحدر كالثلج من ثغرك دلال
وكل دمعة تنجدر كالجمر من عيني دليل
يبتسم لي واحلف أنك لي واضمك بالخيال
وكل نقطة دم بعروقي تقول انك خليل
بس أنا محير حياتي يا بعد عمري سؤال
ليه أحس أنك رغم هذا التواضع مستحيل
-
أسعد إبراهيم الروابة
تعليقات