من دون حَد بلادنا كلش يهون
حرّ ورصاص وحرب وابليس ملعون
حنّا كذا !! لامن وقفنا وقفنا
من دون حَد بلادنا كلش يهون
الموت واحد والشهاده هدفنا
لن شبّت النيران والنصر مضمون
بإذن الولي ياخصمنا بتعْرفنا
نارد حياض الموت والعمر مرهون
هذي هوايتنا وهذا شرفنا
لاجل الوطن ياهون طعم الشقاء هون
الروح منْه وفيه والعمر يفنا
في خدمته سيف المواجيب مسنون
وانقص به يمناً بشَر اتحذفنا
لاياوطنا وانت غالي ومصيون
حبك وراثه وارثينه سلفنا
غلاك عشق وحب وهيام وجنون
لو تنجرف كل الدول ماانجرفنا
ماهمنا حسادنا وش يقولون
من هرجهم بالوقت شفنا وعفنا
خابت ظنون اللي لحدك يظنون
حنا حمْاتك وانت يادار شفنا
نقطع غَبنْ منهو من الحقد مغبون
صوارمً نرمي وندرك هدفنا
عوق الخصيم وعون من عَدنا عون
لاحك عود بعود كلً عرفنا
يقودنا سلمان للعز ويمون
ارواحنا تفداه لامن وقفنا
تعليقات