المشاعر عن سواك من البشر ممنوعة

أحمد السكران

    دام لي يالورد الابيض كلمةٍ مسموعة
لاتراخى بالوصال ولايجي لك صده
وقلب جاع من المحبة شبّعه عن جوعه
لين ياصل في وصالك ياحبيبي حده
وانت في عقلي وعيني وبخفوقي روعة
وماحدٍ ياسيد روحي غيرك اكسب وده
فيك ثقل وخالطه ذرة دلع وميوعة
وفيك ملح وفيك زين ومنك تذبح لده
المشاعر عن سواك من البشر ممنوعة
واحمد السكران لجلك صار محدٍ قده
سكّنك بالقلب ومقفّل عليك ضلوعه
ولو تغيب ومايبشّر فيك بيّح سده
لو تشوفه يحتريك ولو تشوف دموعه
قلت: هذا اللي على الهجران مابه شده
وانت لك عنده غرام وكلمةٍ مسموعة
وكان له عندك مقام فلا يجي لك صدة