دمعة الشايب

.

الشايب اللي بالحشا ذاق الأمرار

يبكي من الأوهام حزن ونكاده

يشهق على ما فات واللي بعد صار

يوم الليالي في حشاها سعاده

يبكي عياله والعنى داخله نار

والهم يحرق والغثا في رماده

يقول ثاري ليتني آخذ الثار

منهم وانا بالصبر مالي جلاده

عيالي اللي طبعهم طبع الاشرار

محكوم انا بالحزن حكم الاباده

والله خسارة لوعوني بالاقدار

ونسو بلا ميعاد عطفي وزاده

بالدار خلوني وحيدٍ وباالدار

اشكي وهم دنياي وآخذ وكاده

لااحدٍ سئل عني ولوبس بأفكار

ياللأسف زادو عذابي زياده

أنا ابوهم قلته بسر وجهار

لكن صدى الاصوات ماله افاده

والله أنا ما اخطيت في حق الأخيار

مسلم وأصلي قايم باالعبادة

واليوم أنا يا ناس بالدار محتار

ماغير اسولف للقهر والقراده

كبير سن والمرض زاد الأمرار

أبكي قهر والحزن زاد بنكاده

-

فهيد البقعاوي

.