موطن العز.. سلمان الحزم
.
-
الشاعر/ سعود بن فيحان المطيري
الأثنين 24 اغسطس 2015
..............
حيّوا جنود الوطن وأبطالنا بالحدود
حيّوا هل المجد والصملات وأذيابها
سلام يا نمورنا يا قامعين الحقود
سلام يا داحرين الفرس واذنابها
أنتم فخرنا وحنا من فخركم نزود
وأنتم بطون الشجاعه واعرق انسابها
قدمتم أرواحكم من دون شرط وقيود
دون العقيدة ودون الدار وترابها
يا شامخين الفعايل ذخر طيب الجدود
يا حي ذيك الوجيه وحي من جابها
الله أكبر على الغازي وراع الجحود
هلّل وكبّر على الغازين وحرابها
ينصركم اللي هزم فرعون وأهلك ثمود
وزلزل عروش الضلال ودمر أصحابها
سبحانه الواحد المعبود رب الوجود
اللي يدك الجبال وينسف هضابها
ومن عهد عبدالعزيز ودارنا في سنود
لو كل نفسٍ حسودة تشعب ركابها
صقر الجزيرة بناها من كفاح وصمود
ويمّم على القبله الغرّا ومحرابها
يوم المهنّد وروعاته وقدح الزنود
مال السيوف الشطيره غير قضابها
وتوارثوها عقب صقر الجزيرة أسود
القاده اللي تقود ويحسب حسابها
أخوان نوره كعام الضد آل السعود
مكنهم الله وهم وافين واولابها
أهل الظفر والمكارم والوفا بالعهود
حكّامنا اللّي تنومس وانتباهابها
واليوم في ظل سلمان الحزم والجهود
سلمان سلمان ستر الدار وحجابها
ابو فهد سيدي سم العدو اللدود
زبن الدخيل وذرى الامه وجلبابها
فخر العرب صامل الوقفات منصى الوفود
ليا ارتكى للثقيله مابلشنابها
عد البلاد وسعدها لو تجف العدود
ترقى على متنه لأيمن ويرقابها
عاشت بلادي وحنا عن ثراها نذود
ترفل بأمن وأمان وكل يهابها
الشاعر/ سعود بن فيحان المطيري
تعليقات