مجاملاتي بعض الأحيان مرّه #شعر

.
.


تعبت أجامل كل زله بزله
مجاملاتي بعض الأحيان مرّه

أشد حبل الصبر والغيض فله
وشبعت من صبري عذاب ومضرّه

من بعض ناس بهرجهم مستزله
وضع عليهم كفتيه أبو مرّه

والنفس ما عودتها للمذله
لاشك أداري بعض ناسٍ تشرّه

وادرا العذول مروّج الحكي كله
ما ودّي إنه عند ربعه يشرّه

اللي يحمّل نافضات الاجله
كلام يشعل داخل الكبد حرّه

وعلوم جتني من جنابه ممله
عزّم على رايه وهو ما يسرّه

ودامه فرض فرقاه خلّه يا عله
يسلم وأنا أسلم من ملامه وشرّه

كلٍ طريقه في عيونه يدله
ماني ورى المقفين قصاص جرّه

-

#شعر // جمعان خلف الرشيدي

.
.