لك الوفاء والود يا كامل الذوق
لا تعذل المشتاق لا هزه الشوق
شوقه لشوفك كل لحظه يسوقه
شوقٍ يفوق بسرعته رمشة الموق
ودليل قلبه فالمسافات شوقه
قلبٍ حمى في غيبتك كل معلوق
ولا له على غيرك من الغيد طوقه
لو لبسوه الحب شريان وعروق
ومن الذهب مفروش تحته وفوقه
ما يستلذ العشق مع كل مخلوق
الا معك يا شف باله وتوقه
انت الوحيد اللي من الناس مرزوق
بقلبٍ رقيق وسامياتٍ عموقه
له حق وانته لك بعد عنده حقوق
يوفي حقوقك وانت توفي حقوقه
لك الوفاء والود يا كامل الذوق
ومنك الغلا والوصل يا نون موقه
لكن لا تعذله لا هزّه الشوق
شوقه لشوفك كل لحظه يسوقه
...
هندي بن عبدالله البقمي
.
تعليقات