تعالي
تعالي دام ما به شي يستاهل يفرقنا
عليم الله قلبي من بعادك ذاب بأشواقه
إذا قصدك تثيري الشوق.. ورب البيت اشتقنا
أنا مالي على بعد النوى يا هاجره طاقه
شوفي دفتر أشعاري عقب فرقاك مغرقنا
وضاعت في دروب الوجد والأشواق أوراقه
تعالي نرز في روض الهوا بارز يبارقنا
ونهدي باقي العشاق من ازهارها باقه
وقولي للعذول اللي وشا.. يا شيخ روقنا
ما لك في محبتنا جمل يا هيه أو ناقه
وقولي يا خطاوي الوصل ودينا توافقنا
وقولي للملا مركب هوانا صعب إغراقه
تعالي نكتب بصدر الغلا (الله لا يفرقنا)
ونسكن في فؤاد العشق وعروقه وإحداقه
كفاية صدّنا من أجمل اللحظات يسرقنا
أنا أدري مثل ما أنا حيل مشتاق.. أنتي مشتاقه
0
تعليقات