في صدري علوم كاتمها ولا بحتها

.


في صدري علوم كاتمها ولا بحتها

وقناعتي فالبشر قد بانت فروقها

كم واحدٍ فوق الأرض وسيرته تحتها

وكم واحدٍ تحت الأرض وسيرته فوقها

إن كاني أخفيتها وإن كان وضحّتها

شمس أمس غابت بعد غنيت لشروقها

ضويّت الأفكار في بالي وسرحتّها

أما خذلها الزمن والا ربح سوقها

كم كفةٍ ما رضت ترجح ورجحتّها

أدفع بها أهل الحقوق اللي ورا حقوقها

قلوب داويتها وقلوب جرحّتها

وقلوب من عرق قلبي ، سالت عروقها

ولا قدرت أبعد أوجاعي ولا زحتها

روحي بدنيا الرفاقه قلّت وفوقها

والأرض خبّت حبايب خافقي تحتها

يالله مقسوم خير بما بقى فوقها

كم ليلةٍ في مواجع وحدتي نحتها

عزي لعينٍ بكاها واسمٍ موقها

خاصمت نصف الخلايق ثم سامحتها

سامحت يوم الليالي بانت فروقها



 الشاعر/ مرزوق الروقي

.