#إعـتـزاز

.



العيشة اللي تدبل الكبد تنعاف

والنفس عن ما تكرهه مستريحة

نفوسنا دايم عفيفات ونظاف

وابداننا من كل علة صحيحة

صاحين صافين المشاريب واشراف

ما ناكل المتردية والنطيحة

يوم السنين الماضية حيل وعجاف

يندر لنا من هبة الريح ريحة

اكرام لو يلحق بنا نقص وخلاف

نملا الصحن ونلحفه بالذبيحة

صلبين في وقت الشدايد وعرّاف

منا المشورة واختيار النصيحة

وان ثارت الهيجا لنا وسط واطراف

وجه الحريب نقنعه بالفضيحة


-

خلف بن هذال

.