متاهات صوتي

.

صحيت جفن السهر واعطيتني دمعتك ميعاد

البارحة وانت ترسم لي ابغيبتك أعترافك

ليتك ترويت واستحلفت حق الملح والزاد

ليتك حملت المطر في البال واعطيته جفافك

ليت اول الدرب ليته ما زرع خطواتي اوتاد

والريح ياليتها ما كل ما هبت تخافك

تخيل اني تخيلت انك اسواري والأبعاد

والكبريا فيك ماهو إلا ضيا والبوح شافك

تخيل اني تخيلتك لدربي زاد وزناد

وان اختلافك زمن مايكسره غير اختلافك

فيما بقى عني اكتب واكتب ان الموت ميلاد

واذكرني ان كان وجه الصبح مرك واستضافك

ارسم متاهات صوتي في حدود بلادك بلاد

لا زلت حلم اتجاهي لاتقول الحلم طافك

تكفى تراني على حد الجروح ووجهي اعتاد

ينهل حروفك ومعروفك ويشرع في ضفافك

-

 ردة السفياني


.

تعليقات

المشاركات الشائعة من هذه المدونة

بنت الاجواد #شعر

العود الأزرق والعبير لـ بن جدلان

قوى العزوم #شعر