يارجل لاتنسى حقوق الرفاقة
الشاعر لافي بن حمود الغيداني
يارجل لاتنسى حقوق الرفاقة
وعلى حقوق الربع لاتبدي القرش
فبيوتهم تلقى الكرم واللباقة
وتاكل عيال اللي عراقيبها حرش
وتعطيك أهلها من التراحيب باقة
مجالس مكسية بأفخم الفرش
غناتك بربعك ولو ماش فاقة
تسوى ملايين الرعايا من الطرش
وإلا غناة المال هي الحماقة
لو تنفخ العلباه وتكبر الكرش
ترى ماهي دايم فروح ورواقة
دنيا تذل الذيب وتنوخ الهرش
لو بينها وبينك ضبطت العلاقة
وبنت لك من الحلم فوق البحر عرش
من طبعها ماتخلي الاصطفاقة
ياما اخرشت ناس لهم ثقلهم خرش
تخلي يدين اللي عشقها عشاقة
وتغني يدين اللي قبل رابح شرش
مادام تحمل باسم ربعك بطاقة
على حقوق الربع لاتبدي القرش
تعليقات