شامت الروح العليلة
.
والله اني من رجال يضدون الرجال
قالها رجال قدمي ولو اني مرة
كلمة بقولها لوعلى غيري تقال
من تعزوى بي ياطيبه وياقو نحره
ماترجيت الرديين وارهبت الجبال
اضرب البيدا واسنّد وانا اثير إغبره
اعتنز بالله ولا اركن على الجال الهيال
وانثني لله واقدم وانا ارجيه أخيره
يوم عديت الطويلة وناظرت الخيال
هاضني قافٍ سرابي ولاجبت إخبره
مادريت اني من الطيب عديت الطوال
لين ظلّم صدر جوي ولاشفت إسفرة
عزتي للي من الهم قد شال الثقال
عزوته ماشاف منها سطارة وثمرة
دق صدره يوم ضاقت عليه بن الحلال
وارتفع عن جرهدالبيد في راس إشيرة
عاف مقعاد مع الشين في خير وظلال
ودار من قفت ضعونه بطاريه عمره
والله اني مثل حاله اليا جا لي مجال
ما انكسر لي خاطر ولا تبنيت اعبره
شامت الروح العليلة لو ان الهم طال
والقوافي تظهر اللي على الصدر اقهره
اتمشى في مراتع قوافيّ الجزال
وكل مايثر علي القلب غزيت إنظرَه
صابرة مامال عزمي لوان الوقت مال
الصميلة سيف جهدي وبالطيب اشهره
واترفع وارفع الصوت واضد الرجال
كل رجلٍ ماترفع وطاريه اعثره
أم الفهد العتيبية
.
تعليقات