عِشره.. وراحت

عِشره.. وراحت


الأمير د. سعد آل سعود

.

بقولها له بعد ما قالها صمته

جعله سعيد وبعيد.. وخاطري سالي

مادام صوت العقل فالحب حكّمته

يسمح لي القلب أحطّم برجه العالي

شيءٍ من الماضي لباكر تعلّمته

من مابقالي غلا.. مابيه يبقالي

شاب الغلا يحسن الرحمن خاتمته

رفيقي أول مهو رفيقي التالي

ماهم قلبي خطا غيره ولا لمته

ما تشره إلا على رفيقك الغالي

تجاوزي عن خَطا غيري تعاظمته

لاشفت نظرة ثنَا بعيون عذّالي

هذاك ظالم وهذا الناس ظالمته

قلِّي من اللي من هموم الزمن خالي؟

ما كل ما جال بالخاطر تكلّمته

بعض الحكي ما تكلّمته وانا لحالي

إن كانه الحب ذاك اللي توهّمته

ياكثر ما خالفت أقوالي أفعالي

أو كانه الحب ذاك اللي تألمته

لاعاده الله غلا.. لاماتت آمالي

اللي تنكّر وانا بالحب كرّمته

ماابيه لا اقفيت ينشدني عن احوالي

عِشره.. وراحت مثلم حلمٍ تحلّمته

هانت على من جرحني ليلة وصالي

ياللِّي بالاحزان والافراح قاسمته

أبشّرك. مر يوم ومانت في بالي

-


.